Theo Baloyi

Theo Baloyi ke mogwebi gotswa Afrika Borwa, mme ebile ke mosimolodi le mookamedi wa ditlhako tsa Bathu. O simolotse letshwao la ditlhako tsa gagwe ka ngwaga wa 2015, morago ga go direla kwa komponing ya PwC kwa Dubai ele motlhakanedi yo mogolo. O ne a tlhagelela mo lenaaneng la Forbes ba ba ka fa tlase ga dingwaga di le masome a mararo ka ngwaga wa 2019.E rile ka ngwaga wa 2021, o ne a fenya go nna moeteledipele wa kgwebo ya GQ , go fitlhela ngwaga o hela.

Tshimologo ya Botshelo

Baloyi o tsholetswe le go godisetswa kwa Hammanskraal, mo Gauteng, kwa a ne a golela teng. Rraagwe, eleng Solly Baloyi, o ne a tlogela tiro ya gagwe ya booki go nna morekisi wa dithoto mme a tlhokafala ka ngwaga wa 2014, mmagwe ke ene Tshidi Baloyi, o na le kgaitsadie yo o bidiwang Goitsimang Baloyi. Baloyi o ne a tsena sekolo se se potlana sa Shalom , morago ga moo o ne a kwadisiwa kwa sekolong se segolwane. E rile ka ngwaga wa 2018, Baloyi a fudugela kwa Johannesburg mme a ithutela BCom Accounting kwa Yunibesithing ya Afrika Borwa.

Tiro

Pele a tlogela Yunibesithi ya Aforika Borwa, Baloyi o ne a simolola loeto lwa gagwe lwa go nna rakgwebo ka go rekisa dinkgisamonate ka ntlo le ntlo.Baloyi o ne a tlhophiwa go direla PwC mo Aforika Borwa ka fa tlase ga lenaneo la bona la go aloga mme a dira go feta ka moo a neng a ka kgona ka teng mme komponi ya mo thapa ka nako e e tletseng mme a romelwa kwa PwC Middle East kwa Dubai.

E rile ka ngwaga wa 2015 Baloyi o ne a tlhoma komponi ya ditlhako ya Bathu. Komponi e ,e na le mabentlele a a fetang masome a mararo mo Aforika Borwa le mo kgaolong ya SADC.O ne a tlhophiwa go nna leloko la boto ya South African Council of Shopping Centres (SACSC) ka kgwedi Phukwi mo ngwageng wa 2022.

Botshelo jwa gagwe

Baloyi o nna kwa Eye of Africa, Johannesburg.