Trevor Noah

Tsenya dikgolaganyo
Go tswa ko Wikipedia
Trevor Noah
Noah in 2021
Tsalo (1984-02-20) 20 February 1984 (age 40)
Johannesburg, South Africa
ThutoMaryvale College

Trevor Noah, o o tshotsweng ka ngwaga wa 1984, ka Tlhakole a le malatsi a le masome a mabedi, ke modira metlae, mokwadi, mogasi wa tsa sepolotiki, modiragatsi le mogasi wa telebishini wa mo Aforika Borwa. O kile a nna mogasi wa The Daily Show, lenaneo la telebishini ya kwa America ya Comedy Central la bosigo go tswa ka ngwaga wa 2015 go tsena ka wa 2022. Noah o amogetse dietsele di le dintsi, di akaretsa ya Primetime Emmy Award morago ga go phadisanela go e fenya makgetho a le lesome le motso.[1] O ne a tlhagelela e le mongwe wa batho ba ba masome a mararo le botlhano ba ba nang le tlhotlheletso mo motsweding wa tshedimosetso kwa New York ke ba Hollyword Reporter ka ngwaga wa 2017 le 2018.[2] [3]Ka ngwaga wa 2018, ba makasine wa Time ba ne ba mo kwala e le mongwe wa batlhotlheletsi ba bagolo mo lefatsheng.[4] Ka ngwaga wa 2023 o ne a fenya seetsele sa Erasmus.[5][6]


Noah o tsholetswe kwa Johannesburg, a simolola tiro ya gagwe kwa Aforika Borwa ka ngwaga wa 2002. O berekile ditiro di le mmalwa tsa bogasi mo telebishining ya South African Broadcasting Corporation (SABC) , mme a tsaya maemo a bobedi mo pakeng ya bone ya lenaneo la Strictly Come Dancing la Aforika Borwa ka ngwaga wa 2008.[7] Go tswa ka 2010 go tsena ka 2011, o ne a gasa thulaganyo e e tsenang bosigo ya late-night talk show e e neng e bidiwa Tonight with Trevor Noah, e a e simolotseng mme ya supiwa mo M-Net le DSTV.[8]


Ka ngwaga wa 2014, Noah o ne a nna mogasi o mogolo wa mafatshefatshe wa The Daily Show, ka ngwaga wa 2015 a tsweledisa tiro ya o o sa leng a dira ka lobaka Jon Stewart.[9] Buka ya botshelo jwa gagwe ya metlae e e bidiwang Born a Crime e gatisitswe ka ngwaga wa 2016.[10][11][12][13] O ne a gasa dietsele tsa ngwaga le ngwaga tsa Grammy Awards tsa bo masome a marataro le boraro,[14] masome a marataro le bone[15] le masome a marataro le botlhano, [16]mme a gasa gape dijo tsa maitseboa tsa bagasi kwa ntlong ya ga tautona ka ngwaga wa 2022 ya White House Correspondents Dinner.[17]

Botshelo jwa a le mmotlana[fetola | Fetola Motswedi]

Trevor Noah o tsholetswe kwa Johannesburg, Transvaal (kwa janong e leng Gauteng) ka ngwaga wa 1984 kgwedi ya Tlhakole a le malatsia le masome a mabedi. [18][19]Rraagwe ke wa lotso lwa Swiss- German, mmagwe e bong Patricia Nombuyiselo Noah ke Mo Xhosa.[20][21]

Ka nako ya puso ya tlhaolele, mmagwe Noah o ne a bidiwa motho montsho, rragwe a supiwa a le mosweu. Noah ene a supiwa fa a tlhakantse, Ka nako ya fa a tsholwa, go ratana ga batho ba ditso tse di farologaneng jaaka batsadi ba gagwe go ne go se ka fa molaong, Noah o gatelela se mo bukeng ya botshelo jwa gagwe. Go ratana le go nyalana ga batho ba ditso tse di farologaneng go ne ga nna ka fa molaong ngwaga morago ga a sena go tsholwa, fa molao wa boitshwaro jo bo sa siamang o sena go fetolwa ka ngwaga wa 1985. Patricia le mmagwe ebong Normalizo Frances Noah ba godisitse Trevor Noah kwa motsesetoropong wa Soweto. [22]Noah o simolotse sekolo kwa Maryvale College, se e leng sekolo sa kereke ya Roma, a tsweledisa dithuto kwa Maryvale High School kwa Gauteng.[23][24][25]

Tsa tiro[fetola | Fetola Motswedi]

Tshimologo le phitlhelelo ya tiro ya gagwe[fetola | Fetola Motswedi]

Ka ngwaga wa 2022, Noah o ne a tlhagelela mo kgangtswelelopeleng ya Aforika Borwa e e neng e bidiwa Isidingo. Moragonyana o ne a nna mogasi wa thulaganyo ya seromamowa ya Noah's Ark mo seteishening sa basha sa YFM. Fa a le dingwaga di le masome a mabedi le bongwe, ditsala tsa gagwe di ne tsa gwetlha go diragatsa metlae kwa maitisong. O ne a kgatlhisa ba ba neng ba lebeletse ka dipolelo tse di tshegisang ka ditsala tsa gagwe le botshelo jwa gagwe. Morago ga bosigo joo, Noah o ne a tswelela a diragatsa kwa maitisong a metlae,[26] o diragaditse le bora metlae ba Aforika Borwa jaaka: David Kau, Kagiso Lediga, Riaad Moosa, Darren Simpson, Marc Lottering, Barry Hilton le Nik Rabinowitz,[27] bora metlae ba mafatshefatshe jaaka Paul Rodriguez, Carl Barron, Dan Ilic le Paul Zerdin, a diragatsa gape a bulela rametlae wa mo Amerika Gabriel Iglesia ka Ngwanatsele 2007, le Russell Peters wa mo Canada ka loeto lwa gagwe lwa Aforika Borwa.


Noah o nnile mogasi wa thulaganyo ya thuto ya telebishini e e neng e bidiwa Run the Adventure ka ngwaga wa 2004 go tsena ka 2006 mo SABC 2. Ka ngwaga wa 2007, o ne a gasa The Real Goboza[7] mme a tsaya karolo mo Strictly come Dancing. Ka ngwaga wa 2009, o ne a gasa South Africa Film and Television Awards (SAFTAs) tsa boraro, a gasa The Axe Sweet Life a na le Eugene Khoza, Ka ngwaga wa 2010, Noah o ne a gasa dietsele tsa ngwaga le ngwaga tsa South African Music Awards (SAMAs) le Tonight with Trevor Noah mo Mnet.[28] Ka ngwaga wa 2010, Noah o ne a nna mmueledi le agente ya mosireletsi wa baji bareki wa Cell C.

Metswedi[fetola | Fetola Motswedi]

  1. ↑ "Trevor Noah". Academy of Television Arts & Sciences/National Academy of Television Arts and Sciences. Archived from the original on 19 August 2020. Retrieved 30 August 2021.
  2. ↑ "The 35 Most Powerful People in New York Media". The Hollywood Reporter. 13 April 2017. Archived from the original on 20 April 2013. Retrieved 6 December 2017.
  3. ↑ "The 35 Most Powerful People in New York Media". The Hollywood Reporter. 12 April 2018. Archived from the original on 20 April 2013. Retrieved 20 June 2018.
  4. ↑ Nyong'o, Lupita (19 April 2018). "Trevor Noah". Time. Archived from the original on 20 April 2018. Retrieved 19 April 2018.
  5. ↑ "Comedian Trevor Noah wins prestigious Dutch Erasmus Prize". TheGrio. Associated Press. 19 March 2023. Archived from the original on 22 March 2023. Retrieved 22 March 2023.
  6. ↑ Ritman, Alex (16 March 2023). "Trevor Noah Wins Dutch Erasmus Prize". The Hollywood Reporter. Archived from the original on 22 March 2023. Retrieved 22 March 2023.
  7. ↑ 7.0 7.1 "Trevor Noah – Actor Profile". Tvsa.co.za. Archived from the original on 25 October 2013. Retrieved 4 November 2012.
  8. ↑ "Tonight with Trevor Noah". Beta.mnet.co.za. 1 April 2007. Archived from the original on 18 August 2010. Retrieved 4 November 2012.
  9. ↑ Shaw, Lucas (15 September 2017). "'The Daily Show' Host Trevor Noah Lands New Deal After Ratings Success". Bloomberg. Archived from the original on 25 November 2020. Retrieved 22 April 2018.
  10. ↑ Kakutani, Michiko (28 November 2016). "'Born a Crime,' Trevor Noah's Raw Account of Life Under Apartheid". The New York Times. Archived from the original on 8 March 2021. Retrieved 18 March 2017.
  11. ↑ Darden, Jeneé (18 February 2017). "Born a Crime: A Memoir of Love, Hope, and Resistance". Los Angeles Review of Books. Archived from the original on 28 January 2021. Retrieved 18 March 2017.
  12. ↑ Seymour, Gene (14 November 2016). "Trevor Noah recalls childhood under apartheid in new memoir". USA Today. Archived from the original on 30 October 2020. Retrieved 18 March 2017.
  13. ↑ "Born a Crime by Trevor Noah". Penguin Random House. Archived from the original on 1 October 2016. Retrieved 18 March 2017.
  14. ↑ "2021 GRAMMYs Performers & Host". GRAMMY.com. 23 November 2020. Archived from the original on 11 March 2021. Retrieved 14 March 2021.
  15. ↑ "Trevor Noah Of "The Daily Show" Returns To Host The 2022 GRAMMYs Awards Show". www.grammy.com. Archived from the original on 19 October 2022. Retrieved 19 October 2022.
  16. ↑ Aswad, Jem (15 December 2022). "Trevor Noah to Return as Grammy Awards Host". Variety. Archived from the original on 4 February 2023. Retrieved 15 December 2022.
  17. ↑ Grein, Paul (1 December 2021). "Trevor Noah Set to Return as Host for 2022 Grammy Awards". Billboard. Archived from the original on 5 January 2022. Retrieved 5 April 2022.
  18. ↑ Wemple, Erik (31 March 2015). "New 'Daily Show' host tweeted a 'fat-chick joke' at age 27!". The Washington Post. Archived from the original on 4 July 2015. Retrieved 11 April 2015.
  19. ↑ Odhiambo, Tom (28 April 2017). "Trevor Noah: The making of a global star from Mama's Boy". Daily Nation. Archived from the original on 8 December 2019. Retrieved 28 March 2018.
  20. ↑ Gambino, Lauren (31 March 2015). "Daily Show's Trevor Noah under fire for Twitter jokes about Jews and women". The Guardian. Archived from the original on 20 April 2013. Retrieved 18 March 2017.
  21. ↑ Gross, Terry (22 November 2016). "Trevor Noah Says He Grew Up 'In The Shadow Of A Giant' (His Mom)". NPR. Archived from the original on 31 October 2019. Retrieved 18 January 2017.
  22. ↑ "Trevor Noah's tough upbringing in Soweto will help him: granny". The New Age. 2 April 2015. Archived from the original on 7 April 2015. Retrieved 11 April 2015.
  23. ↑ Itzkoff, Dave (30 March 2015). "Trevor Noah to Succeed Jon Stewart on 'The Daily Show'". The New York Times. Archived from the original on 4 June 2020. Retrieved 11 April 2015.
  24. ↑ Armstrong, Stephen (16 December 2012). "Heard the one about the Swiss South African?". Sunday Times Culture magazine. pp. 12–13. Archived from the original on 9 December 2021. Retrieved 9 December 2021.
  25. ↑ Laws, Roz (22 November 2013). "South African comedian Trevor Noah to play Birmingham's Glee Club". Birmingham Post. Archived from the original on 27 March 2015. Retrieved 30 March 2015.
  26. ↑ "Trevor Noah's Drunk Friends Got Him into Stand-Up". YouTube. Archived from the original on 2 May 2023. Retrieved 2 May 2023.
  27. ↑ "Bafunny Bafunny official website". Archived from the original on 3 January 2013. Retrieved 4 November 2012.
  28. ↑ "Tonight with Trevor Noah". Beta.mnet.co.za. 1 April 2007. Archived from the original on 18 August 2010. Retrieved 4 November 2012.
Retrieved from "https://tn.wikipedia.org/w/index.php?title=Trevor_Noah&oldid=32394"