Debswana
| Type | Limited |
|---|---|
| Industry | Mining |
| Predecessors | De Beers Botswana Mining Company |
| Founded | 23 Seetebosigo 1968  |
| Headquarters | , |
Area served | Worldwide |
Key people | Bruce Cleaver Chairman Andrew Maatla Motsomi Managing Director[1] |
| Products | Diamonds Coal |
| Owner | Government of Botswana (50%) and De Beers (50%) |
Number of employees | 6,400 (2020)[2] |
| Website | debswana.com |
Debswana Diamond Company Limited e itsegeng ka leina khutswe la Debswana, ke kompone ya moepo kwa Botswana, e e ntshang diteemane tsa boleng jo bo gaisang mo lefatsheng ka bophara.[3] Debswana e na le meepo ya teemane e le mene kwa dikgaolong tsa botlhaba le bogare jwa Botswana, gammogo le moepo wa magala .[3] Debswana ke kompone e e kopanetsweng magareng ga puso ya Botswana le kompone ya diteemane kwa Aforika Borwa ya De Beers, bobedi bo kgaogana dipoelo tsa kompone ka go lekalekana.[3]
Meepo
[fetola | Fetola Motswedi]Meepo e Debswana e nang le yone e bile e e tsamaisa ke:
- Ya diteemane
- Moepo wa teemane wa Orapa, o butswe ka ngwaga wa sekete, makgolo a robabongwe, masome a supa le bongwe(1971).[3][4]
- Moepo wa teemane wa Letlhakane, o butswe ka ngwaga wa sekete , makgolo a robabongwe , masome a supa le botlhano(1975)[3][4]
- Moepo wa teemane wa Jwaneng , o butswe ka ngwaga wa sekete , makgolo a robabongwe , masome a borobabobedi le bobedi(1982)[3]
- Moepo wa teemane wa Damtshaa , o butswe ka ngwaga wa dikete tse pedi le boraro(2003)[3]
- Ya magala
- Morupule Colliery, o butswe ka ngwaga wa sekete , makgolo a robabongwe , masome a supa boraro (1973)[3]
Ditso
[fetola | Fetola Motswedi]Kompone ya Debswana e simolotse e le De Beers Botswana Mining Company ka ngwaga wa sekete , makgolo a robabongwe , masome a marataro le borobabobedi(1968),[4] kgwedi ya Seetebosigo e tlhola malatsi a le masome a mabedi le boraro, morago ga gore modupa maje wa De Beers a tlhaole maje a a nang le diteemane kwa Orapa ka dingwaga tsa sekete , makgolo a robabongwe le masome a marataro (1960). Mo dingwageng tse tlhano tse di latelang ,puso ya Botswana e ne ya oketsa selekanyo sa yone sa go nna le seabe mo go yone go tswa kwa go 15% go ya kwa go 50% . Ka ngwaga wa sekete, makgolo a robabongwe le masome a robabongwe le bobedi (1992), kgwedi ya Mopitlo e tlhola malatsi a le masome a mabedi le botlhano, leina la kompone le ne la fetolwa go nna Debswana Diamond Company (Proprietary) Limited. Maikaelelo a kompone ke go epa diteemane le go dira tse dingwe tse amang le tsone. Kompone ya Debswana e eteletse pele meepo ya Orapa, Letlhakane, Jwaneng le Damtshaa. Meepo e mene e nnile le seabe se segolo mo kgolong ya loago le poelo ya Botswana ka lotseno lwa teemane , mme ya fetola naga go tswa mo poelong e ikaegileng ka temothuo ka digwaga tsa sekete , makgolo a robabongwe , masome a marataro( 1960) go nna naga e e bontshtseng ka metlha nngwe ya dipalo tse di kwa godimo tsa kgolo ya itsholelo mo lefatsheng .[3][5]
Debswana e ne ya upolola teemane ya boleng jwa 1,098 carat mo Botswana ka ngwaga wa 2021 kgwedi ya Seetebosigo. Go dumelwa fa e le lejwana la boraro ka bogolo go epiwa.
Letseno le Dipoelo
[fetola | Fetola Motswedi]| Ngwaga | Letseno (Billion US$) | Boleng bobo ntshitsweng (carats) | Letseno ka ngwaga |
|---|---|---|---|
| 2011[6] | 1.08 | 22,900,000 | |
| 2012[6] | 0.7 | 20,200,000 | 35% |
Seabe mo itsholelong
[fetola | Fetola Motswedi]Ditirelo tsa go epa diteemane di tlhotlheleditse kgolo ya itsholelo ya Botswana thata, mme seo se dirile gore e gole go tswa mo go nneng lengwe la mafatshe a a humanegileng mo lefatsheng ka bophara ka nako ya fa le tsaya boipuso ka ngwaga wa 1966 go nna lefatshe le le mo maemong a a fa gare mo itsholelong, le na le letseno la $9,200.00 ka ngwaga wa 2004. Lefatshe le na le maikaelelo a go nna lengwe la mafatshe a a kwa godimo mo itsholelong ka ngwaga wa 2036.[7] Ka ntlha ya se, ditirelo tsa go beeletsa madi tse dikgolo di le pedi di bona lefatshe la Botswana e le lefatshe le go babalesegileng go le adimisa madi mo Aforika. Bongwe mo borarong jwa dipoelo tsa lefatshe ke tsa diteemane. Kompone ya Debswana ke yone kompone e e ikemetseng ka nosi e e hirang batho ba bantsi go gaisa tse dingwe mo lefatsheng la Botswana, e firile batho ba ka tshwara dikete tse thataro le makgolo a le mane, 93% ya bone e le Batswana.[7]
Go tshwaiwa diphoso
[fetola | Fetola Motswedi]Kompone ya Debswana e tshwailwe diphoso ke mokgatlho wa Survival International wa mafatshefatshe o o lwelang ditshwanelo tsa beng gae, go bo ba sa tlotla ditshwanelo tsa setho tsa Basarwa ba ba nnang kwa Botswana. Fa e sale ka dingwaga tsa 1980, mokgatlho o o kwadile dipego tsa gore puso ya Botswana e dirile letsholo la tlhorontsho go ba ntsha mo lefelo leo gore go diriwe dipatlisiso tsa moepo. Moeteledipele wa pele wa Debswana Louis Nchindo o rile " Puso e na le tshiamelo mo go fuduseng Basarwa kwa lefelong leo la tlhokomelo diphologolo...go maleba gore puso e tseye tshwetso e o. Fa e seng jalo ke mang o o ka batlang go sala mo fifing fa ba bangwe ba tswelela pele?"[8] Go ya ka Stephen Corry, mogogi wa Survival International, Basarwa ga ba a siiwa ke dinako, ditshwanelo tsa bone tsa setho le tsa setso di tshwanetse go tlotliwa. Puso ya Botswana e ganetsa magatwe a e bua fa ele go feteletsa. Go santse go sena bosupi jwa go epa ga kompone ya Debswana kwa Central Kalahari Game Reserve ka kompone e butse meepo go sele jaaka kwa Jwaneng,Orapa,Letlhakane le Damtshaa.[9]
Bona gape tse di latelang
[fetola | Fetola Motswedi]Metswedi
[fetola | Fetola Motswedi]- ↑ De Beers Group (22 May 2022). "Debswana Diamond Company appoints Andrew Maatla Motsomi as Managing Director". De Beers Group. London, United Kingdom. Archived from the original on 10 December 2024. Retrieved 28 September 2022.
- ↑ Debswana (10 May 2020). "Fast Facts: All Items: Debswana". Gaborone: Debswana Diamond Mines Limited. Retrieved 10 May 2020.
- 1 2 3 4 5 6 7 8 9 Mining Technology(May 2020)."Debswana Diamond Mines".Mining-technology.com.London.Retrieved 10 May 2020.
- 1 2 3 "Debswana History".www.debswana.com.Retrieved 2021-05-27.
- ↑ Debswana(2020)."About Debswana Diamond Company".Debswana Limited.Gaborone.Retrieved 10 May 2020.
- 1 2 Mbongeni Mguni (1 August 2013)."Government Revenues From Debswana Bear P6 Billion".Mmegi Online.Gaborone.Retrieved 10 May 2020.
- 1 2 World Bank (10 May 2020)."Overview of Botswana".World Bank.Washington, DC.Retrieved 10 May 2020.
- ↑ Survival International (31 March 2003)."Bushman Land Carved Up for Diamond Exploration".Survivalinternational.org.Retrieved 10 May 2020.
- ↑ Survival International Archives(2005)."Survival and the Bushmen of the Central Kalahari Game Reserve: 39 questions".Survivalinternational.org.Retrieved 10 May 2020.