Duma Boko

Duma Gideon Boko
2025
Tautona wa UDC
In office Ngwanatsele 2014 – 5 Ngwanatsele 2019
Morago Ga Gagwe	Dumelang Saleshando
Ka Ga Ena
O tsetswe	(1969-12-31) December 31, 1969 Mahalapye, Botswana
Mosetshaba wa	Motswana
Mokgatlho	Umbrella for Democratic Change
Bonno	Gaborone
Alma mater	Harvard Law School, University of Botswana
Tiro	Lawyer, Academic, bureaucrat

Duma Gideon Boko

Duma Boko

Duma Gideon Boko (yo o tshotsweng ka di 31 Sedimonthole 1969) ke radipolotiki le mmueledi wa Motswana yo ga jaana a direlang jaaka Tautona wa borataro wa Botswana fa e sale ka Ngwanaatsele a le 1 2024 le moeteledipele wa Umbrella for Democratic Change fa e sale ka 2012. O ne a direla jaaka Moeteledipele wa Kganetso go tloga ka 2014 go fitlha ka 2019.

One a etelela pele lekoko BNF ka ngwaga wa 2010. le go tsena mo tirisanyong mmogo le makoko a mangwe a sepolotiki a kganetso ka fa tlase ga bokopano jo bo bidiwang Umbrella for Democratic Change (UDC) o ne a etelela pele jaaka mogogi wa maloko a kganetso mo ditlhopong tsa lefatshe la Botswana ka 2014le 2019. Kwa ditlhophong tsa 2024, o ne a etelela lekoko la gagwe pele go ya phenyong mme a ikanisiwa jaaka Moporesidente wa Botswana ka Ngwanatsele a le 1 2024. Ke ene wa ntlha, mme go fitlha ga jaana ke ene fela tautona mo hisitoring ya Botswana yo o sa tseneng mo lekokong la Botswana Democratic Party. Boko o tsewa e le motemokerasi wa loago.

Botshelo jwa ga Rre Duma Boko

Boko o tsholetswe mo motseng wa Mahalapye ka kgwedi ya Sedimontlhole e thola malatsi a masome a mararo le bongwe ka ngwaga wa 1969. O tsene sekolo se se potlana go ya go ema ka se se golwane gone ko motseng wa Mahalapye. Rraagwe yo o tlhokafetseng ka ngwaga wa 2004 o ne a dira jaaka motlhatlheledi kwa Madiba Brigades. O na le kgaitsadie, Emma Boko.

Ka ngwaga wa 1987, Boko o ne a ithutela molao kwa yunibesithing ya Botswana. O ne a tlhophiwa go nna leloko la Lekgotla la Baemedi ba Baithuti (SRC). Gareng ga baithutimmogo le ene ba molao e ne e le baatlhodi ba kgotlatshekelokgolo Michael Leburu, Key Dingake, Bengbame Sechele le Lot Moroka. Fa a sena go aloga ka 1993, o ne a tsena Sekolo sa Molao sa Harvard, kwa a neng a bona dikirii ya Masetase ya Melao gone.

Mokgwa wa go itshetsa le tswelelopele

Boko o ne a boela go ya go ruta molao kwa Yunibesithing ya Botswana go tloga ka 1993 go fitlha ka 2003,fa gape a ne a tsamaisa feme ya molao. Mo tshimologong ya dingwaga tsa bo 2000, o ne a kwala kholomo mo kuranteng ya The Monitor e mo go yona a neng a bolela gore baatlhodi ba ne ba sa gatelele pele mo tlhaloganyong.O ne a supa fa a kgobegile marapo ka gore barutegi le baatlhodi ga ba dire dipatlisiso tse di lekaneng go ka atlhola ka kitso.

Polotiki

Rre Boko o goletse mo lekokong la sepolotiki la molema la BNF le a neng a thongwa moeteledipele wa lone ka ngwaga wa dikete pedi le lesome.

Ka ntlha ya ditlhopho tsa dikete pedi le lesome le boferabongwe tse di neng di tsamaisitswe ka bohahalele le tsietso ke mokgatlho wa sepolotiki wa Botswana Democratic Party (BDP) lekgotla la UDC le ne la latlhegelwa.

Rre Duma Boko o se a simolotse ipapatso ya ditlhopho tsa lefatse la Botswana tsa ngwaga wa dikete pedi masome a mabedi le bone. Umbrella For Democratic Change (UDC) e setse e fentse ditlhopho tsa poeletso tsa makhanselara a mabedi, tse di setseng di tshwerwe mo dingwageng tsa kete pedi masome a mabedi le bongwe le kete pedi masome a mabedi le bobedi. Rre Duma Boko o kgothatsa batswana go tlhokomela le go sireletsa tlhopho tsa bone. Jaaka a boletse kwa bokopanong jwa sepolotiki jwa kgwedi ya Sedimonthole a tlhola malatsi ale masome a mabedi le bongweka ngwaga wa kete pedi masome a mabedi le bongwe. "Le tshwanetse le nne madibela tlhopho lona. Tlhopho ya gago o e dibela ke namana. Tlhopho ya gago o e dibele ka botshelo jwa gago ka gore tlhopho ya gago e ama botshelo jwa gago".