Duma Boko

Duma Gideon Boko
Tautona wa UDC
In office Ngwanatsele 2014 – 5 Ngwanatsele 2019
Morago Ga Gagwe	Dumelang Saleshando
Ka Ga Ena
O tsetswe	(1969-12-31) December 31, 1969 Mahalapye, Botswana
Mosetshaba wa	Motswana
Mokgatlho	Umbrella for Democratic Change
Bonno	Gaborone
Alma mater	Harvard Law School, University of Botswana
Tiro	Lawyer, Academic, bureaucrat

Duma Gideon Boko

Duma Boko

Mmueledimogolo Duma Gideon Boko ke motswana wa lepolotiki mo lefatsheng la Botswana. Ke mmueledimogolo. Rre Boko ke tautona wa lekgotla le legolo la kganetso (lekgotla le le dirilweng ka bokopano jwa dingwe diphathi tsa kganetso, Umbrella for Democratic Change, UDC). Gape, ke tautona wa mokgatlho wa sepolotiki wa kganetso, Botswana National Front (BNF). Moeteledipele rre Duma Gideon Boko le mothusi wa gagwe mo lekgotleng la UDC rre Dumelang Saleshando ba ne ba ipapatsa mo ditlhophong tsa 2019, ka ditsholofetso tse; ba tla fetlha ditiro tse di sekete se lekgolo mo lebakeng la dikgwedi tse lesome le bobedi, madi a itshetso a ka nang ka Dipula tse dikete tse tharo, madi a bagodi a ka nang ka sekete le makgolo a matlhano a dipula, go aba mesangwana ya bomme, kabo ya dithabolete go bana ba dikolo botlhe, madi a itshetso a bana ba dikolo tse dikgolo a selekanyo sa dikete tse pedi le masome a matlhano a dipula, go bulwa gape ga moepo wa BCL.

Botshelo jwa ga Rre Duma Boko

M B o tsholetswe mo motseng wa Mahalapye ka kgwedi ya Sedimontlhole e thola malatsi a masome a mararo le bongwe ka ngwaga wa sekete makgolo a boferabongwe masome a marataro le boferabongwe. O tsene sekolo se se potlana go ya go ema ka se se golwane gone ko motseng wa Mahalapye. Motswana thoo thoo go tswa mo lapeng la setswana.

Rre Boko o goletse mo lekokong la sepolotiki la molema la BNF le a neng a thongwa moeteledipele wa lone ka ngwaga wa dikete pedi le lesome. One a etelela pele lekoko le go tsena mo tirisanyong mmogo le makoko a mangwe a sepolotiki a kganetso ka fa tlase ga bokopano jo bo bidiwang Umbrella for Democratic Change (UDC) o a ileng a boela a bo etelela pele mo ditlhopong tsa lefatshe la Botswana gabedi ka tatelano ka dingwaga tsa dikete pedi le lesome le bone le dikete pedi le lesome le boferabongwe. Mmueledimogolo Duma Gideon Boko o fetola sepolotiki sa kganetso sa lefatshe la Botswana ka go paka mananeo, maano, go tsepamisa maikutlo, go tuma le go tsisa phadisanyo e ko godimo thata mo lekgotleng la sepolotiki le le busang la Botswana Democratic Party (BDP).

Ka ntlha ya ditlhopho tsa dikete pedi le lesome le boferabongwe tse di neng di tsamaisitswe ka bohahalele le tsietso ke mokgatlho wa sepolotiki wa Botswana Democratic Party (BDP) lekgotla la UDC le ne la latlhegelwa.

Rre Duma Boko o se a simolotse ipapatso ya ditlhopho tsa lefatse la Botswana tsa ngwaga wa dikete pedi masome a mabedi le bone. Umbrella For Democratic Change (UDC) e setse e fentse ditlhopho tsa poeletso tsa makhanselara a mabedi, tse di setseng di tshwerwe mo dingwageng tsa kete pedi masome a mabedi le bongwe le kete pedi masome a mabedi le bobedi. Rre Duma Boko o kgothatsa batswana go tlhokomela le go sireletsa tlhopho tsa bone. Jaaka a boletse kwa bokopanong jwa sepolotiki jwa kgwedi ya Sedimonthole a tlhola malatsi ale masome a mabedi le bongweka ngwaga wa kete pedi masome a mabedi le bongwe. "Le tshwanetse le nne madibela tlhopho lona. Tlhopho ya gago o e dibela ke namana. Tlhopho ya gago o e dibele ka botshelo jwa gago ka gore tlhopho ya gago e ama botshelo jwa gago".