Maitumelo Sedilame Boseja

Maitumelo Sedilame Boseja( a tshotswe 1 Sedimonthole 1997)yoo o bitswang kana a bokiwang gotwe Tsontso, ke motshameki wa kgwele ya dinao wa motswana yo o tshamekang jaaka motshwara dinno wa setlhopha sa Aforika Borwa sa Mamelodi Sundowns sa bomme( Mamelodi Sundowns Ladies FC) le setlhopha sa Botswana sa bomme sa sechaba (Botswana women's national team).

Botshelo Pele

Boseja o tsholetswe kwa motseng wa Tutume mo kgaolong ya legare mo Botswana.

Township Rollers

Ka ngwaga wa 2015, Boseja o simolotse go tshameka mo setlhopheng sa bomme a tshameka mo Township Rollers.

Double Action

Ka ngwaga wa 2017 o ile a tsena mo tumalanong le setlhopha sa bomme sa Double Action.

Bloemfontein Celtic Ladies

Morago fela gago tshameka motshameko ole esi wa setlha sa metshameko le Double Action , setlhopha sa Aforika Borwa sa bomme sa Bloemfontein Celtic se ne sa tsena mo tumalanong ya ngwaga tse tharo le Boseja. Mo setlheng sa gagwe  sa ntlha le setlhopha, Celtic eile ya gapa  bommampudi jwa kgaolo ya Free State jwa kgwele ya dinao ya bo mme. Ba be gape ba fenya bommampudi jwa Sasol National League, Boseja e nna ene motshwara dinno yoo o gaisitseng wa kgaisano eo. Boseja o kgaogane le setlhopha sa Celtic ka kgwedi ya Seetebosigo ngwaga wa 2020.

Mamelodi Sundowns Ladies

Ka kgwedi ya Motsheganong ngwaga wa 2001, one a tsena mo tumalanong le setlhopha sa bomme sa Mamelodi Sundowns seo se mo legatong le legolwane la Lekgotla le le laolang metshameko la Aforika Borwa. Ka kgwedi ya Phukwi oile a bona kgobalo ya lengole  ka nako ya ikatiso. Kgobalo e eile ya mo paledisa go thusa Sundowns go gapa bommampudi jwa CAF Women’s Champions League , mme lefa gontse jalo oile amogela seetsele sa phenyo fela ka ene ele motshameki yo o kwadisitsweng kafa se molaong go tshameka mo dikgaisanong tse.

Seabe mo setlhopheng sa sechaba

Ka ngwaga wa 2012 Boseja one a akarediwa mo  setlhopheng sa bomme sa Botswana sa kgwele ya dinao ya makgarejwana aa dingwaga tse di kafa tlase ga lesome le bosupa (Botswana Women’s  national under 17 football team). Ka ngwaga wa 2015, Boseja one a emetse Botswana go iponela phatlha mo metshamekong  ya mafatshe  ya kgwele ya dinao ya bomme ya makgarejwana aa kwa tlase ga dingwaga tse di masome a mabedi a  ngwaga wa 2016, faba be ba latlhegelwa ka kakaretso ka dinno di ferabongwe go ele nngwe  mo magatong ale mabedi kgatlhanong le  Aforika Borwa. Ka kgwedi ya Motsheganong, ngwaga wa 2021 Boseja o tlhageletse makgetho a le masome a mabedi le bongwe  mo setlhopheng sa  sechaba sa Botswana.

Dietsele

Bloemfontein Celtic Ladies

Sejana sa bommampudi  sa Sasol ka ngwaga wa 2017( Sasol League National  Championships,2017.

Mamelodi Sundowns Ladies[edit source]

• SAFA Women's League: 2021, 2022, 2023
• CAF Women's Champions League: 2021, 2023; runner-up: 2022
• COSAFA Women's Champions League: 2021, 2023; runner-up 2022

Individual

• Sasol National League Championship: Goal Keeper of the Tournament

Magokaganyi aa kwa Ntle

Sedilame Boseja at Soccerway