Jump to content

Quett Masire

Go tswa ko Wikipedia
Quett Masire
GCMG
Masire in 1980
2nd President of Botswana
In office
13 July 1980 – 31 March 1998
Acting to 18 July 1980
Vice PresidentLenyeletse Seretse
Peter Mmusi
Festus Mogae
Pele Ga GagweSeretse Khama
Morago Ga GagweFestus Mogae
1st Vice-President of Botswana
PresidentSeretse Khama
Pele Ga GagwePosition established
Morago Ga GagweLenyeletse Seretse
Ka Ga Ena
O tsetsweKetumile Quett Joni Masire
(1925-07-23)23 Phukwi 1925
Kanye, Bechuanaland Protectorate
O Tlhokafetse22 Seetebosigo 2017(2017-06-22) (aged 91)
Gaborone, Botswana
Mosetshaba waBotswana
MokgatlhoBotswana Democratic Party
Mo/BakapeloGladys Olebile Masire (m. 1958)
Alma materBangwaketse Reserve
TiroTeacher

Ketumile Quett Joni Masire, [1][2] GCMG (o tshotswe kwa ngwaga wa 1926, kgwedi ya Phukwi e le malatsi a le masome a mabedi le boraro, a tlhokafala ka ngwaga wa 2017, kgwedi ya Seetebosigo e le malatsi a le masome a mabedi le bobedi), e ne e le tautona wa Botswana wa bobedi ebile e le ene tautona yo o busitseng dingwaga tse dintsi go feta bo tautona ba ba bangwe mo Botswana, a busitse go tswa ka ngwaga wa 1980 go tsena ka 1998. O ne a fiwa tlotla ka seetsele sa Knighthood of the Grand Cross of Saint Michael and Saint George, se a neng a se neelwa ke Mma Mosadinyana ka ngwaga wa 1991.[3][4][5][6][7]

E ne ele mongwe wa ba ba neng ba eteletse pele mo go tseyeng boipuso le mo pusong e ntsha, mme a nna le seabe se setona mo go seriletseng kgolo ya madi le itsholelo mo Botswana. O ne a fologa setilo sa botautona ka ngwaga wa 1998, mme a tlhatlhamiwa ke tautona wa boraro wa lefatshe ebong Festus-Mogae, yo e neng e le mothusa tautona ka nako eo.[7]

Botshelo jwa pele

[fetola | Fetola Motswedi]

Masire o tshotswe ka ngwaga wa 1926, kgwedi ya Phukwi e le malatsi a le masome a mabedi le boraro kwa Bechuanaland Protectorate kwa motseng wa Kanye,[8][2] a tsholwa ke Gaipone (née Kgopo) le Joni Masire.[9][10] O tsholetswe mo lolwapeng lo lo neng lo tlotlile thuo ya dikgomo. O godile ka nako e go neng go sena kgolo ya itsholelo mo lefatsheng la Botswana, ntle le go nna le badiredi ba dituelo tse di kwa tlase kwa meepong ya Aforika Borwa wa tlhaolele. Go tswa kwa bongwaneng, Masire o ne a itshupa ka go dira bontle kwa sekolong. Morago ga go aloga a le kwa godimo mo setlhopheng sa gagwe kwa sekolong sa Kanye, o ne a fiwa phatlha le madi go tsweledisa dithuto tsa gagwe kwa Tiger Kloof Educational Institute kwa Aforika Borwa.[11]

Ka ngwaga wa 1950, morago ga go aloga kwa Tiger Kloof, Masire o ne a thusa mo go simololeng sekolo se segolwane sa Seepapitso II Secondary School, e le sekolo sa ntlha se segolwane kwa kgaolong ya BaNgwaketse.[12] O e a bereka e le mogokgo wa sekolo seo dingwaga tse thataro.[12] [13] Ka nako eo o ne a nna le tlhokakutlwisisano le Kgosi wa Bangwaketse Kgosi Bathoen wa bobedi. Ka ne a seka a rata kgoreletso ya ga Kgosi Bathoen mo dikgannyeng tsa sekolo, Masire, o ne a nna mmueledi wa go beela kgakala go itshunya dinko ga magosi mo dikolong, ka tiriso ya mokgatlho wa Bechuanaland African Teachers Association.[11]

Masire o ne a amogela setlankana sa Master Farmers ka ngwaga wa 1957, a itlotlomatsa go nna molemi morui wa tlhatlhwa mo kgaolong. Katlego ya gagwe e ne ya baka mona mo go Kgosi Bathoen, yo o neng a tsaya ditshimo tsa gagwe e le kotlhao ya go agelela lefatshe la setshaba.[13]

Ka ngwaga wa 1958, Masire o ne a tlhophiwa ele mmega dikgang wa lefatshe mo pampiring ya dikgang ya African Echo/Naledi ya Botswana.[11] O ne a tlhophiwa gape go tsenngwa mo maemong a Bangwaketse Tribal Council, mme ya re morago ga ngwaga wa 1960 a tsena mo go a protectorate-wide African and Legislative Council. Le ntswa a ne a tsenelela bokopano jwa ntlha jwa setlhopha sa go nna le matshwititshwiti a batho ba ba neng ba se setse morago sa People's party, o ne a seka a nna leloko la mokgatlho o o.

Masire o ne a nyetse Gladys Olebile Masire ka ngwaga wa 1958, mme ba nna le bana ba le barataro.[14]

Dipolotiki le puso

[fetola | Fetola Motswedi]
Masire (kwa pele ka fa molemeng) le Seretse Khama ka nako ya dipuisano tsa boipuso jwa Botswana ka 1965

Ka ngwaga wa 1961, Masire o ne a thusa mo go simolodiseng Botswana Democratic Party (BDP). O ne a na le seabe se segolo mo tshimolodisong ya phathi e, mme a bereka e le mokwaledi mogolo wa yone wa ntlha.[6] [11]

Ka 1965, Democratic party ya fenya ditilo di le masome a mabedi le boferabobedi mo go tse di masome a mararo le bongwe, se se supa fa ele yone e neng e tshwanetse go isa lefatshe la Botswana kwa go ipuseng. O ne a tlhophiwa go ya palamenteng ka kgwedi ya Mopitlo ngwaga wa 1965, a nna Mothusa Tonakgolo ka fa tlase ga Tonakgolo Seretse Khama ka ngwaga wa 1966.[7] Go fitlha ka ngwaga wa 1980, o ne a na le maemo a tshwana le a tsa madi go tswa ka 1967, tsa ditlhabololo go tswa ka 1967, maphata a ka bobedi a neng a kopanngwa ka ngwaga wa 1971.[15]

Jaaka moagi yo mogolo wa kgolo e e tlhomameng ya itsholelo le mafaratlhatlha a Botswana magareng ga 1966 le 1980, Masire o ne a itsege jaaka moitseanape wa maranyane yo o nang le bokgoni jo bo kwa godimo.[16] Le fa go ntse jalo, motheo wa gagwe wa sepolotiki wa selegae wa Bangwaketse o ne wa gogolwa ke mmaba wa gagwe wa bogologolo Bathoen. Mo dingwageng tsa ntlha tsa boipuso puso ya Democratic Party e ne ya tsaya tshwetso go fokotsa bontsi jwa dithata tse di setseng tsa dikgosi. Ka ntlha ya seo, ka 1969 Bathoen II a Seêpapitsô o ne a tlogela setilo, mme a bo a tlhagelela gape jaaka moeteledipele wa National Front wa kganetso. Seno se ne sa dira gore Bathoen a fenye Masire mo ditlhophong tsa selegae mo go one ngwaga oo. Le fa go ntse jalo, lekoko le le busang le ne la fenya ka tsela e e tlhomameng mo maemong a bosetšhaba, ka jalo la letla Masire go tshegetsa maemo a gagwe jaaka mongwe wa maloko a Palamente a le mane a a "tlhophilweng ka tsela e e kgethegileng".

Botautona

[fetola | Fetola Motswedi]
Quett Masire a emelela morago ga go etela United States ka1984.

Masire o ne a nna tautona o o tshwareletseng ka ngwaga wa 1980 kgwedi ya Phukwi e le lesome le boraro morago ga go tlhokafala ga ga Khama. Se se ne se dirwa go ya ka molaomotheo wa lefatshe.

Malatsi a le matlhano morago ga go tlhokafala ga ga Khama, Masire o ne a tlhophiwa kwa palamenteng ka 1980, (Phukwi a le malatsi a le lesome le boferabobedi) ka talama ya sephiri go nna tautona.[6] Nako ya gagwe ya botautona o e feditse ka go tlhabolola lefatshe ka dikompone tsa mo gae le tsa mafatshefatshe. Masire e ne ele modulasetilo wa Southern African Development Community (SADC) [6] le mothusa modulasetilo wa Organisation of African Unity; e ne e le modulasetilo wa Global Coalition for Africa ebile e le leloko la UN group on Africa Development.

Ka Phatwe a supa,ngwaga wa 1988, sefofane se Masire a neng a se palame le babereki ba gagwe go ya bokopaong kwa Angola se ne sa thuntshiwa ha phoso ke sefofane sa sesole sa Angola sa MiG-23.[17] Sefofane se ne sa senyega, Masire a bona dikgobalo, mme mothusa mokgweetsi wa sefofane a kgona go atlega mo go se emiseng ka potlako.[18][19]

Morago ga Botautona le loso

[fetola | Fetola Motswedi]

Fa a sena go ithola tiro ka ngwaga wa 1998, Sir Ketumile Masire o ne a nna le seabe mo mananeong a le mmalwa a botsalano le mafatshe a sele a a mo Aforika a akaretsa Ethiopia, Lesotho, Malawi, Mozambique, Ghana le Swaziland. Mo dingwageng tsa 1998 go tsena 2000 o ne a nna modulasetilo wa International Panel of Eminent Personalities go batlisisa ka tse di diragetseng mo kgailong ya batho kwa Rwanda ka ngwaga wa 1994. Ka ngwaga wa 2000 go ya kwa go wa 2003, o ne a nna motsamaisa tiro kwa dipuisanong tsa Inter-Congolese National Dialogue tse maikaelelo a tsone e neng e le go tsisa megopolo e mesha ya sepolotiki kwa Democratic Republic of Congo, go ya ka Lusaka Ceasefire Agreement.

Ka ngwaga wa 2007, Sir Ketumile Masire o ne a tlhoma mokgatlho wa Sir Ketumile Masire go rotloetsa itekanelo ya loago le itsholelo ya setshaba sa Botswana. Motheo o leka ka natla go tlhofofatsa le go tsamaisa maiteko a go rotloetsa kagiso, puso e e siameng le boitekanelo jwa sepolotiki lefatshe ka bophara; go thusa bana ba ba nang le bogole go tloga fa ba tsholwa; le go rotloetsa boitshimololedi le ditsela tse dingwe mo temothuong.

Mo dingwageng tse di lesome tsa bofelo tsa botshelo jwa gagwe, Masire o ne a nna a sa itumelele kaelo ya Botswana Democratic Party le puso ya ga Ian Khama. Ditiragalo tse di jaaka go latlhegelwa ke mo e ka nnang bongwe mo botlhanong jwa maloko a mokgatlho wa Botswana Movement for Democracy o o neng o kgaogane ka 2010, le ngaloditiro e e botlhoko ya BOFEPUSU ya 2011 di ne tsa dira gore a belaele ditshwetso tsa boeteledipele. O ne a swetsa ka gore BDP e latlhegetswe ke dikakanyo tsa yone tsa ntlha, mme boemong jwa seo e tserwe ke batho ba ba batlang ditšhono ba ba batlang go solegelwa molemo ke maemo a a kwa godimo a puso.[20] Ka ntlha ya seo, o ne a kgaogana le lekoko lekgetlho la ntlha mo botshelong jwa gagwe.

Sir Ketumile gape e ne e le leloko le le simolotseng Global Leadership Foundation, mokgatlho o o dirang go tshegetsa boeteledipele jwa puso ya batho ka batho, go thibela le go rarabolola dikgotlhang ka botshereganyi le go rotloetsa puso e e siameng ka sebopego sa ditheo tsa puso ya batho ka batho, mebaraka e e bulegileng, ditshwanelo tsa batho le puso ya molao.[21] E dira jalo ka go dira gore maitemogelo a baeteledipele ba pele a nne teng, ka botlhale le ka tshepo, go baeteledipele ba bosetšhaba ba gompieno. Ke mokgatlho o o sa direleng dipoelo o o bopilweng ka ditlhogo tsa pele tsa puso, badiredibagolo ba puso le ba mekgatlho ya boditšhabatšhaba ba ba dirisanang mmogo le ditlhogo tsa puso mo mererong e e amanang le puso e e ba tshwenyang.

Ka Motsheganong 2010 Sir Ketumile Masire o ne a etelela pele Letsholo la Baelatlhoko ba Ditlhopho la Kopano ya Aforika ka fa tlase ga ditlhopho tsa kakaretso tsa Ethiopia tsa Motsheganong 2010, mme ka Phalane 2010 o ne a etelela pele mmogo (le Leloko-ka-ene la GLF Joe Clark) thulaganyo e e atlegileng ya National Democratic Institute ya tshekatsheko ya pele ga ditlhopho kwa Nigeria, e e neng e ka supa palo ya ditlhopho tsa puso le tsa bosetšhaba tsa 2011.[22]

E ne e le moeteledipele wa Yunibesithi ya Botswana go tloga ka 1982 go fitlha ka 1998.

Masire o tlhokafetse kwa kokelong ya Bokamoso kwa Mmopane, Botswana, a dikologilwe ke ba lelwapa la gagwe, ka Seetebosigo a le masome mabedi 2017 a le dingwaga di le masome a ferabongwe le motso. O ne a robaditswe kwa kokelong ka Seetebosigo a le lesome le boferabobedi morago ga go ariwa ka lebaka le le sa tlhalosiwang, mme botsogo jwa gagwe bo ne jwa senyega morago ga moo.[23][24] O fitlhilwe mo mosong wa Labone Seetebosigo a le masome mabedi le boferabongwe 2017 kwa motseng wa gaabo Kanye, Botswana.[25]

Ditlotla le dikakgolo

[fetola | Fetola Motswedi]

Metswedi

[fetola | Fetola Motswedi]
  1. ↑ "SIR KETUMILE QUETT JONI MASIRE".Embassy of Botswana.Retrieved 2021-03-28
  2. 1 2 Clements,John (1998)."Clements' Encyclopedia of World Governments".Vol 13.Political Research, Incorporated.p 72.
  3. ↑ "5 Notable Africans Who Are Knights of the British Empire".2017-01-31.Face2Face Africa.Retrieved 2021-03-28.
  4. ↑ "EISA Botswana: Ketumile Joni Masire".www.eisa.org.Retrieved 2021-03-28.
  5. ↑ Padnani,Amisha.2017-06-29."Ketumile Masire, Who Shaped and Led a Vibrant Botswana, Dies at 91".2017-06-29.The New York Times.ISSN 0362-4331.Retrieved 2021-03-28.
  6. 1 2 3 4 G. Williams;Brian Hackland (1988)."The dictionary of contemporary politics of Southern Africa".Taylor & Francis. pp 147–8.ISBN 978-0-415-00245-5.
  7. 1 2 3 Dani Rodrik (2003)."In search of prosperity: analytic narratives on economic growth".Princeton University Press.pp 97–98.ISBN 978-0-691-09269-0..Retrieved 9 May 2013.
  8. ↑ M. Lentz,Harris.4 February 2014."Heads of States and Governments Since 1945".Routledge.p 103.ISBN 9781134264902.
  9. ↑ "The International Who's Who 2004".(2003).Psychology Press.p 1103. ISBN 9781857432176.
  10. ↑ Ramsay,Jeff (1998)."Sir Ketumile Masire: commemorative brochure'.p 15.
  11. 1 2 3 4 "Ketumile Masire obituary".2017-07-18.the Guardian. Retrieved 2021-06-01.
  12. 1 2 Kayawe,Baboki (21 February 2011)."Masire's The African Democrat premiers at maitisong".The Monitor.Retrieved 9 May 2013.
  13. 1 2 "Quett Ketumile Masire".biography.yourdictionary.com.Retrieved 2021-06-01.
  14. ↑ Morton,Fred;Ramsay,Jeff;Themba Mgadla,Part (2008)."Historical Dictionary of Botswana".(4th ed).p 208.ISBN 9780810854673. Retrieved 15 November 2016.
  15. ↑ "About Us".Ministry of Finance.
  16. ↑ "Botswana Notes and Records' Golden Jubilee Vol 50 (2018): A Special Issue on Volume in Honour of Sir Ketumile Masire". Botswana Notes and Records. 50 (2018). 6 December 2018.
  17. ↑ Carroll,Tony (2021-03-03)."OBITUARY: Archibald Mogwe: Diplomat, negotiator, OBE – a useful life well lived".Daily Maverick.Retrieved 2022-05-23
  18. ↑ Ranter,Harro."ASN Aircraft accident British Aerospace BAe-125-800A OK-1 Cutio Bie".aviation-safety.net.
  19. ↑ "Botswana Says Angolan Jet Shot Down President's Plane".AP NEWS.
  20. ↑ "President Masire's Final Message to Botswana," https://www.academia.edu/33661982/President_Masires_Final_Message_to_Botswana
  21. ↑ "AU mourns with Botswana following death of former President Masire | African Union". au.int. Archived from the original on 23 May 2021. Retrieved 11 Phalane 2025.
  22. ↑ "Former Botswana president to mediate in dialogue with Renamo". Mozambique. Retrieved 11 Phalane 2025.
  23. ↑ "Former Botswana President Sir Ketumile Masire dies at aged 91". Independent. 23 June 2017. Retrieved 11 Phalane 2025.
  24. ↑ "Ketumile Masire, Botswana president known as model leader of model African nation, dies at 91". The Washington Post. 24 June 2017.
  25. ↑ "Laughter and memories fill funeral of ex-Botswana President Masire". Africanews. 29 June 2017.
  26. ↑ "Sir Ketumile Masire, Nelson Mandela and the Free Market Foundation - CNBC Africa". CNBC Africa. 29 June 2017. Archived from the original on 16 November 2018. Retrieved 11 Phalane 2025.

O ka bala gape

[fetola | Fetola Motswedi]
  • Masire, Quett Ketumile Joni and Stephen R. Lewis Jr. (ed.), Very Brave or Very Foolish: Memoirs of an African Democrat (2008). Palgrave Macmillan.
Retrieved from "https://tn.wikipedia.org/w/index.php?title=Quett_Masire&oldid=46387"