Shona Ferguson

Shona Ferguson
Ferguson in 2019
Tsalo	Aaron Arthur Ferguson 30 April 1974 (1974-04-30) Gaborone, Botswana
Leso	30 Phukwi 2021(2021-07-30) (aged 47)
Letso	Motswana South African
Tiro	Director actor producer businessman
Dingwaga tsa a le mo tirong	1992–2021
Mosadi	Connie Ferguson ​ (m. 2001)​
O fetheletse	Golden Horn Award

Aaron Arthur Ferguson (30 Moranang 1974 - 30 Phukwi 2021),. o ne a diragatsa ka leina la Shona Ferguson e le Motswana wa modiragatsi kwa Afrika Borwa, motlhami-mogolo wa ditshwantsho-tsa-motshikinyego e bile e le mongwe wa batlhami ba Ferguson Films ga mmogo le mohumagadi wa gagwe, Connie Ferguson.

Tiro ya gagwe ya pele

Ferguson o simolotse loeto lwa gagwe la bodiragatsi kwa Lesotho a letsa kwa The Palace Hotel Night Club ka ngwaga wa 1992. Morago gago boela Botswana one a itebaganya thata le tsa kgwebo ya maranyane. O simolotse ele morekisi, a bereka ka bonatla go fitlhelela a nna mogwebi yo a tlotlegang mo a feletseng a fenya dietsele ka mefuta, go akaretsa le sa Mookamedi-mogolo-wa-thekiso ka ngwaga wa 1998-99.

Loeto lwa bodiragatsi

Ferguson o simolotse go nna modiragatsi-mogolo e le ngaka Leabua kwa Afrika Borwa mo setshwantshong sa Muvhango se se dirisang puo ya seVenda. O tlogetse ka Mopitlo wa ngwaga wa 2007. O ile a ya go diragatsa kwa M-Net e le Itumeleng go simolola ka ngwaga wa 2011 go fitlhelela ka ngwaga wa 2013 mo setshwantshong-sa-motshikinyego sa The Wild.

Ene ga mmogo le mosadi wa gagwe Connie Ferguson, ba ne ba simolodisa Ferguson Films, mme bobedi jwa bone ba ne ba tshameka dikarolo tse dikgolo mo setshwantshong sa bone sa ntha Rockville. One a tshameka karolo ya ga JB go tswa mo ngwageng wa 2013 go fitha karolo ya bofelo ya bioskopo e ka ngwaga wa 2016. Ka ngwaga wa 2014 o ne a tshameka gape mo The Gift ye e neng ele setshwantsho sa Ferguson Films, a boa a tshameka karolo ya ga Jerry Maake mo The Queen, e le yone ne ele neng ele setshwantsho-sa-motshikinyego sa Ferguson Films se se simologileng ka ngwaga wa 2016. O ne a nale dikarolo gape mo metshamekong e mengwe jaaka Isidingo: The Need a tshameka karolo ya ga Tyson, le mo Scandal! a tshameka karolo ya ga Alex.

Ferguson Films

Ka ngwaga wa 2010 o ne a simolodisa Ferguson Films ga mmogo le mohumagadi wa gagwe yo le ene e leng modiragatsi, Connie Ferguson. Ditshwantsho tsa bone tsa motshikinyego di akaretsa Rockville, iGazi,The Gift, The Throne, The Herd, The Queen, and The Imposter.

Ka ngwaga wa 2020, bane ba dira setshwantsho sa dikarolo tse thataro le Netflix sa leina la Kings of Joburg.

Metshameko ya motshikinyego

Ferguson o ne a thapiwa go diragatsa mo setshwantshong sa Mrs. Mandela ka ngwaga wa 2010.

Botshelo jwa gagwe

Ferguson o kopane le modiragatsi wa leina la Connie Masilo ka kgwedi ya Phukwi e tlhola malatsi a masome-a-mararo le motso ka ngwaga wa 2001. Ba ne ba tsena mo nyalong e e boitshepho ka Ngwanatsele wa ngwaga eo.

Dikgele le ditlhopho

One a amogela sekgele sa Golden Horn Award sa modiragatsi yo o gaisetseng bothe mo setshwantshong sa motshikinyego le sa modiragatsi yo o atlegileng e le moetapele mo bioskopong.

Loso

Ka ngwaga wa 2021 kgwedi ya Seetebosigo e tlhola malatsi a le masome-mabedi le borataro, Ferguson o ne a robadiwa kwa kokelong ya Pinehaven ka mogare wa COVID-19. E rile seemo sa gagwe se nna maswe, o ne a ragogedisiwa ka sefofane kwa kokelong ya Milpark kwa Johannesburg kgwedi ya Phukwi e le fa gare, kwa a neng a tlhokafala ka ngwaga wa 2021 kgwedi ya Phukwi e tlhola malatsi a le masome a mararo a le dingwaga tse di masome a mane le bosupa. O ne bolokwa kwa Fourways Memorial Park. Morago ga phitlho e e neng e le sephiri, tirelo ya phitlho e ne ya tshwarwa morago ga malatsi a le mabedi kwa palo ya batho e neng e lekanyeditswe masome a matlhano ka mabaka a go laola le go thibela mogare wa COVID-19.