Thapelo Matsheka

Thapelo Matsheka ke lepolotiki gape ke moitseanape wa tsa itsholelo o o berekileng ele tona wa tsa madi le tsosoloso itsholelo go tswa ka ngwaga wa 2019 kgwedi ya Ngwanatsele go fitlha ka ya Moranang ngwaga wa 2021. O ne a tlhophilwe e le mopalamente wa Lobatse ka Phalane ngwaga wa 2019. Ke leloko la Botswana Democratic Party. Matsheka o kile a nna mookamedi wa Fiducia Services.

Tsa Pereko

Matsheka o na le dithutego tsa bongaka jwa tsa itsholelo go tswa kwa sekolong sa ithutelo ditiro sa University of Kent. E ne e le mookamedimogolo wa lenaneo la tsa kgwebo la puso la Citizen Entrepreneurship Development Agency go tswa ka ngwaga wa 2003 go ema ka wa 2010. O ne a berekela kompone ya AON Botswana pele ga a tlogela tiro go simolodisa Fiducia Services ka kgwedi ya Phatwe ngwaga wa 2017.

Ka ditlhopho tsa sechaba tsa ngwaga wa 2019, Matsheka e ne ele ntlhopheng wa bopalamente wa Lobatse. O ne a tlhophiwa mme a rola Sadique Kebonang tiro. Tautona Mokgweetsi Masisi o ne a mo tlhoma go nna tona ya tsa madi le itsholelo ka kgwedi ya Ngwanatsele e le malatsi a le marataro ngwaga wa 2018, mme a simolodisa tiro ka lone letsatsi le o. O ne a amogana lenaneo la gagwe la ntlha la kabo madi ka kgwedi ya Tlhakole ngwaga wa 2020, mme ya re ka Moranang 2021 a emisediwa ke o sele mo tirong ya go nna tona o o okamelang madi a sechaba.

Ditiro tse dingwe

• Leloko la lekgotla la balaodi ba African Development Bank go simolola ka 2019
• Leloko la lekgotla la balaodi ba World Bank go simolola ka 2019