Kgosi Puso Gaborone

Kgosi Puso Gaborone yo o tshotsweng ka kgwedi ya Ngwanaatsele ale lesome le motso ka ngwaga wa 1975 ke kgosikgolo ya Batlokwa morafe wa Tlokweng mo Botswana. Mo ngwageng wa 2021 o ne a tlhophiwa ele modulasetilo wa Ntlo ya Dikgosi mono Botswana, maemo a ntseng a tshwere go tswa mo ngwageng wa 2009.

Dithutego

Kgosi Puso Gaborone o tshotswe ka kgwedi ya Ngwanaatsele mo ngwageng wa 1975, ke ene ngwana wa mosimame fela ale mongwe wa ga moswi Kgosi Moshibidu Gaborone.Kgosi o dirile dithuto tsa gagwe kwa sekolong sa Batlokwa National. Ntswa ele kgosi gompieno ene ele morutabana pele. Moletlo wa gagwe wa go bewa kgosi o ne o tshwaretswe mo kgotleng ya Tlokweng ,moletlo o , o ne o tseneletswe ke Tautona wa pele wa Botswana ,Rre Festus Mogae le Rre Ketumile Masire yo o re togetseng mo lefatsheng, dikgosi tsa Batlokwa go tswa Aferika Borwa le Lesotho, baeteledipele ba merafe le morafe ka kakaretso.

Bogosi jwa Batlokwa

Puso Gaborone o tsere setilo sa bogosi ka kgwedi ya Phatwe mo ngwageng wa 2007 morago ga loso la ga rre rraagwe ka ngwaga wa 2005. E ntse ele kgosi ya Batlokwa, o ne a tlhophiwa ele modulasetilo wa Ntlo ya Dikgosi tsa Botswana.

Botshelo jwa gagwe

Kgosi Puso Gaborone o ne a tsena mo nyalong e boitshepho le Mme Thandie Tshepo Leshomo Gaborone ka kgwedi ya Phatwe ka ngwaga wa 2016 ebile ba nale ngwana ale mongwe fela. Go supiwa gape gore Kgosi o busa ka sekao ka go tsaya mokento wa COVID-19 gammogo le mohumagadi wa gagwe ka kgwedi ya Mopitlo mo ngwageng wa 2021.