Letamo la Letsibogo

Letamo la Letsibogo ke letamo le le mo molapong wa Motloutse mo Botswana, leo le agilweng maikaelelo e le Isa metsi kwa madirelong a toropo ya Selebi-Phikwe le metse ee mabapi, mme gona le kgonagalo ya go dirisiwa mo go tsa nosetso. Letamo le jaanong le isa metsi kwa toropokgolo Gaborone le metse e metona ka phaephe ya boleele jwa dikilomitara tse di makgolo a mane.

Lefelo le Seemo Sa Tsa Bosa Nako e Telele

Letamo le agilwe go bapa le motse wa Mmadinare. Lefelo le le itemogele dipula tsedi tlase, seo se le dirang lefelo le le magareng ga komelelo le bokgola. Le fa gole jalo magareng ga dikgwedi tsa Ngwanatsele go ema ka ya Mopitlo , diperesente tsa selekanyo sa pula enna tse di fitlhang kwa masomeng a robabongwe . Ka ngwaga wa dikete dile pedi lesome le motso(2012) kgwedi ya Phatwe, letamo le ne le na le metsi a selekanyo sa boraro mo lesomeng, se sa tsisa matshwenyego a gore go tla nna le tlhaelo ya metsi mo dikgaolong tsa Palapye, Mahalapye le Gaborone. Bangwe ba ne ba re seemo se se bakiwa ke bonya mo go baakanyeng diphaephe tse di dutlang.

Ditirelo

Letamo le ne le agetswe lephata la ditswammung,kgotetso le metsi ke ba Arup, ba ba neng ba eteletse pele kago ya go baya metsi. Le boteng jwa dimilione di le lekgolo jwa di metara. Le berekisiwa ke lephata la metsi la Water Utilities Corporation. Letamo le ke bontlha bongwe jwa thulaganyo ya go isa metsi kwa borwa jwa lefatshe go tswa kwa bokone la North-South Carrier Water Project, le le akaretsang matamo a mangwe, ditsamaiso tsa go isa metsi le tsa go phepafatsa metsi. E amantswe le Gaborone ka phaepe ya boleele jwa dikolomitara di le makgolo a mane. Lenaneo lantlha la North-South Carrier le dirisitse madi a ka nnang kana ka dimilione di le makgolo a mararo le masome a matlhano, mme ya simolodisiwa ka ngwaga wa 2000.

Tiriso ya lekadiba

Le ntswa letamo le ne le agetswe go boloka metsi, le tlhabololelwa gore bajanala ba kgone go dira metshameko ya metsi le go tshwara ditlhapi. Ka ngwaga wa 2011, puso e ne ya bolela fa e na le mananeo a go tlhabolola dikago mo letamong le, go akaretsa ditsela, metsi a a nowang le kgopo ya metsi a a leswe, le go aga lotshitshi llwa ntlha o lo itiretsweng mo Botswana kwa bokone jwa letamo. Puso e ne e na le lenaneo la go aga lefelo la boitapoloso la dinaledi tse tlhano le lefelo la tlhokomelo diphologo.