Mahikeng

Mahikeng Mafikeng, Mafeking
Toropo
Naga	Aforika Borwa
Profense	Bokone Bophirima
District	Ngaka Modiri Molema
Masepala	Mahikeng
E Tlhamilwe	1852
Area
• Total	24.57 km2 (9.49 sq mi)
Ditlhopha tsa batho
• Bantsho	74.5%
• MaKhalathi	7.5%
• MaIndia	7.3%
• Basweu	9.9%
• Ba bangwe	0.8%
Maleme
• Setswana	53.3%
• Sekgoga	18.6%
• Afrikaans	14.1%
• Sesotho	3.0%
• A mangwe	11.1%
Nomoro ya poso	2745
Website	www.mahikeng.gov.za

Mahikeng

Mahikeng, e ne e bitswa Mafikeng ka tlwaelo, ke toropo le moshate wa profense ya Bokone Bophirima, Aforika Borwa. Lefatshe ka bophara, Mahikeng e tumile ka Siege of Mafeking, tlhaselo kgolo ya Ntwa ya bobedi ya Maburu (Second Boer War).

Mahikeng, e gaufile bodara ya Botswana le Aforika Borwa. Ka ngwaga wa 2001, Mahikeng e ne e na le batho ba ba ka nnang 49 300, mme ka ngwaga wa 2007 palo e e ne e tlhatlhogile go ya go 250 000. Batho ba ba ka nnang 65 000 go ya go 75 000 ba nna mo bogareng ba toropo e.

Bogologolo

Mahikeng ke kantoro-kgolo ya batho ba Barolong Boo Ratshidi. Toropo e e tlhamilwe ke Molema Tawana (c.1822 - Ferikgong 1882). Molema o ne a tsalwa kwa Khunwana ka nako ya Difaqane,e le ngwana wa Kgosi Tawana wa baTshidi Barolong. Abuti wa ga Molema, e leng Montshiwa, o ne a feleletsa e le ena kgosi. Ka nako e baTshidi Barolong ba ne ba nna kwa Thaba Nchu, Molema o ne a fetoga a nna Mokeresete, a fetolwa ke batsamaisa efangedi ba Wesleyan ba ne na nna fago le bona. Morwa le mojalefa wa a Molema, Silas Molema, o ne a rutwa kwa Healdtown College. Silas o ne a thusa setlogolo sa gagwe Sebopioa Molema go ya Amerika go ya go ithuta tsa molao, ka ngwaga tsa 1904, kwa Wilberforce University, e eleng kwa Wilberforce, Ohio.

Mafelo Magolo

• North-West University
• Mafikeng Railway Station
• Mmabatho Stadium
• Mafikeng Airport
• Mafikeng Game Reserve (4800 Ha)
• Botsalano Game Reserve (5800 Ha)
• Molemane Eye Nature Reserve
• Ntando Qelo

Leina

Babrithani ba ne ba peleta leina la toropo e jaaka "Mafeking". Morago ga gore toropo e wele ka fa tlase ga Bophuthatswana leina le ne la fetolwa go nna "Mafikeng" ka ngwaga wa 1980. Ka Tlhakole 2010, Lulu Xingwana, o ne a le tonakgolo ya tsa Arts le tsa Setso, o ne a amogela gore leina la toropo e le fetolwe gape go ya go "Mahikeng". Mme batho bone ba santse ba e bitsa Mafikeng ka gonne e le lona leina le le tlwaelegileng.

Tsa Legodimo

Climate data for Mafikeng
Month	Jan	Feb	Mar	Apr	May	Jun	Jul	Aug	Sep	Oct	Nov	Dec	Year
Record high °C (°F)	40	39	38	34	31	27	28	32	36	38	38	40	40
Average high °C (°F)	31	30	29	25	23	20	20	23	27	29	30	31	27
Average low °C (°F)	18	17	15	12	7	4	4	6	11	14	16	17	12
Record low °C (°F)	8	7	4	3	−3	−6	−6	−4	−2	0	7	1	−6
Precipitation mm (inches)	117	83	74	57	14	5	3	5	13	37	64	67	539
Avg. precipitation days	13	10	10	7	3	1	1	1	2	6	9	9	72
Source: South African Weather Service