Jump to content

Mmadikolo wa Botswana

Go tswa ko Wikipedia
University of Botswana
Coat of Arms of the University of Botswana
MottoThuto Ke Thebe (Setswana)[1]
TypePublic university
Established1982
EndowmentP334 million
(US$50 million)
ChancellorTebelelo Seretse
Vice-ChancellorDavid Norris
Administrative staff
2,658
Students15,484
Undergraduates14,093
Postgraduates1,445
Location
Botswana Gaborone, Francistown, and Maun
CampusUrban; 1.15 square kilometres (280 acres)
Colors  Brown
  Blue
NicknameMmadikolo/Basco
MascotBull (steer)
Websitewww.ub.bw
University of Botswana
Mmadikolo
MottoThuto Ke Thebe (Setswana)[1]
Motto in English
Education is a Shield[1]
TypePublic university
Established1982
EndowmentP334 million(US $50million)
ChancellorTebelelo Seretse
Vice-ChancellorProfessor David Norris
Administrative staff
2,658
Students15,484
Undergraduates14,093
Postgraduates1,445
Location
Botswana Gaborone, Francistown, and Maun
CampusUrban, 1.15 square kilometres (280 acres)
Colors   and blue
NicknameMmadikolo/Basco
MascotBull (steer)
WebsiteUniversity of Botswana
University of Botswana Administration

Mmadikolo wa Botswana, o o itsegeng thata ka leina la UB, o tlhamilwe ka ngwaga wa 1982 e le lekanala la ntlha la dithuto tse di ko godimo mo lefatsheng la Botswana.[2] Ka jaana mmadikolo o o nale dikago dile tharo: e nngwe kwa toropokgolo Gaborone, e nngwe kwa Francistown le e nngwe kwa Maun.Mmadikolo wa Botswana e kgaogantswe ka magoro a le borobabobedi: Kgwebo, Thuto, Boenjenere, Dithuto tsa Batho, Disaense tsa Boitekanelo, Bongaka, Saense le Disaense tsa Loago le Bookelo jwa Thuto jwa ga Sir Ketumile Masire. UB e mo maemong a sekete se le sengwe le makgolo a mabedi le bongwe go fitlhela kwa seketeng se le sengwe makgolo a matlhano mo lefatsheng le a masome a mabedii le bongwe mo Aforika e e kwa borwa jwa Sahara mo Maemong a Mmadikolo wa Lefatshe Lotlhe ya Thutogodimo ya Dinako ya ngwaga wa 2024.[3]

Ditiragalo

[fetola | Fetola Motswedi]

Mmadikolo wa Botswana o simolotse e le karolo ya thulaganyo e tona ya bo mmadikolo e e neng e bidiwa UBBS, kgotsa Mmadikolo wa Bechuanaland (Botswana), Basotoland (Lesotho), le Swaziland; e e neng ya tlhomiwa ka ngwaga wa 1964 go fokotsa tshegetso ya mafatshe a mararo a mo thutong e kgolwane mo Aforika Borwa ya nako ya tlhaolele. Morago ga gore Botswana le Lesotho di tseye boipuso ka ngwaga wa 1966, mmadikolo ne wa bidiwa Mmaikolo wa Botswana, Lesotho, le Swaziland (UBLS).

Ka ngwaga wa 1975 Lesotho e ne ya ikgogela morago mo tirisanong mme ya tlhoma mmadikolo wa yone ya bosetšhaba. Dingwaga di le mmalwa go ne ga nna le Yunibesithi e e kopanetsweng ya Botswana le Swaziland go fitlhelela kwa tshimologong ya ngwaga wa 1980 mmadikolo one a kgaoganngwa ka kagiso go nna dikolo tse pedi tse di ikemetseng tsa bosetšhaba. E ne e le ka nako ya fa Lesotho e ikgogela morago la ntlha fa Botswana, e e neng e le nngwe ya mafatshe a a humanegileng go gaisa mo lefatsheng, e simolola mokgatlho wa Motho le Motho Kgomo. Letsholo le la go kokoanya madi le le itsegeng semmuso jaaka Botswana University Campus Appeal (BUCA) le ne la etelelwa pele ke Tautona wa Pele ebong Rre Seretse Khama ka ngwaga wa 1976. Letsholo le le ne la simolola go kokoanya madi a go aga sekolo se segolwane sa Botswana sa Mmaikolo wa Botswana le Swaziland.

BUCA e ne ya tla morago ga go tsewa ga dikago tsa mmadikolo e e kopanetsweng kwa Roma ke puso ya Lesotho e le nosi. Batswana (batho ba Botswana) le ba bangwe ba ba amegang ba ne ba ntsha dikabelo tsa mefuta yotlhe (go akaretsa madi, dikgomo, mabele, mae, jalo le jalo) go fitlhelela paloyotlhe e e beilweng ya didikadike tsa diranta. Ka ngwaga wa 1982, Mmadikolo wa Botswana e ne ya nna nnete mme e santse e le setheo sa thuto e kgolwane sa bogologolo mo lefatsheng. Mokgatlho wa Motho le Motho Kgomo o sa ntse o tsweletse gompieno mo setshwantshong se segolo sa sekolo se segolwane sa mmadikolo se se fa pele ga buka-tsheko e ntšhwa.[4]

Tsamaiso

[fetola | Fetola Motswedi]
Motlobo wa dibuka

Tautona kgotsa Mothusa Tautona wa Botswana o dira jaaka Mokhanselara wa sekolo se segolwane sa Mmadikolo. Mookamedi yo mogolo mo sekolong ke Mothusa Mokhanselara. Go nnile le Batlatsa Bakhanselara ba le batlhano ba mmadikolo:[5][6]

  • 1982–1984: John Turner,
  • 1984–1998: Thomas Tlou,
  • 1998–2003: Sharon Siverts,
  • 2003–2011: Bojosi Otlhogile,
  • 2011–2017: Thabo Fako.[7]
  • 2017–gompieno: Moporofesa David Norris[8]

Botshelo jwa moithuti

[fetola | Fetola Motswedi]
Gaborone, Mmadikolo wa Botswana, sekolo sa bogare

Baithuti ba le bantsi ba nna mo sekolong mo diholong tsa bonno.[9] Baithuti ba ba nnang mo diholong tsa bonno ba newa dijo mo mafelong a bojelo a khamphase.[9]

Ditirelo tsa sokolo di akaretsa letangwana la go thuma le le tona jwa Diolimpiki, lebala la boitlosobodutu, le mabala a metshameko (kgwele ya dinao tsa diatla, thenese, bolo ya diatla, mmapotlo le volleyball). Mmadikolo o bapile le Lebala la Metshameko la Bosetšhaba, le le leng teng go ka dirisiwa ke mmadikolo. Mabala a go ikatisa a a kwa ntle ga lebala la metshameko ke lefelo la metshameko ya dikgaisano mo mmadikolo.

Mmadikolo o tlamela ka kokelo ya kalafi ya mahala le ditirelo tsa kgakololo.

Maphata le Mafapha

[fetola | Fetola Motswedi]

Lephata la tsa Kgwebo

[fetola | Fetola Motswedi]
Lephata la Kgwebo la Mmadikolo wa Botswana

Lephata la Kgwebo le ne la tlhongwa ka ngwaga wa 1997 morago ga go rulaganngwa sešwa ga Sekolo sa Dithuto tsa Diakhaonto le Botsamaisi ka fa tlase ga Lephata la Disaense tsa Loago.[10]Ka fa tlase ga sekhukhu sa lephata le lesha le, go ne ga tlhamiwa mafapha a le mararo gore a nne le bokgoni jo bo kgethegileng mo go tsa botsamaisi, papatso, le go dira diakhaonto le tsa madi. E ratiwang go fetisisa tse dingwe ke lenaneo la Bachelor of Accountancy (BAcc), le le katisang baithuti go dira ditlhahlobo tsa setifikeiti sa dipalo tsa boemo ba setsebi, segolobogolo ACCA. Dialogane tse dintsi di kopantse dikiriigo fitlhela ba nna Baakhaontente ba ba tlhomamisitsweng ba Amerika kgotsa maloko a CIMA ya UK.[11] Lephata le le ruta didikirii di le tlhano:

Batšhelara ya Bobalamatlotlo (BAcc)

Batšhelara ya Botsamaisi jwa Kgwebo (BBA) mo go tsa Botsamaisi

Batšhelara ya Botsamaisi jwa Kgwebo (BBA) mo go tsa Papatso

Batšhelara ya Ditsamaiso tsa Tshedimosetso (BIS)

Batšhelara ya tsa Matlole

Masetase ya Tsamaiso ya Kgwebo (MBA)

Lephata la Dithuto

[fetola | Fetola Motswedi]

Le ke lephata le le gologolo go gaisa mo mmadikolo. Lephata le le na le mafapha a le borobabobedi a a akaretsang Thuto ya Botshelo Jotlhe le Tlhabololo ya Baagi, Metheo ya Thuto, Thekenoloji ya Thuto, Disaense tsa Lelapa le tsa Badirisi, Dipuo le Disaense tsa Loago, Thuto ya Dipalo le Disaense, Thuto ya Motheo wa sekolo potlana le Saense ya Metshameko.[12] Go na le mananeo a le lesome le botlhano a kalogo ya pele: dikirii ya Masetase ya Thuto e e nang le dithuto tse di kgethegileng di le lesome le bongwe; dikirii ya Masetase ya Thuto ya Botshelo Jotlhe le Tlhabololo ya Baagi, lenaneo la Masetase la Kgakololo le Ditirelo tsa Batho, mananeo a mabedi a MPhil le PhD le Dipoloma ya Morago ga Dialogane mo Thutong.[12]

Lephata la Boenjenere

[fetola | Fetola Motswedi]
Lephata la Boenjenere

Lephata la Boenjenere le Thekenoloji le ne la tlhomiwa ka ngwaga wa1996 ka ntlha ya gore Botswana Polytechnic e ne ya tsenngwa mo UB.[13]Lephata le le ne le le dikilometara di ka nna bongwe le ntlha ya bosupa (maele wa bongwe le ntlha nngwe) go tswa kwa sekolong se segolo sa UB kwa toropong ya Gaborone kwa jaanong e bidiwang BCET gone, mme fa e sa le ka nako eo le fuduseditswe kwa sekolong se se golo.

Lephata le tlamela ka dithuto tse dintsi tsa Boenjenere tse di akaretsang Boenjenere jwa Metšhini, jwa Dikago, jwa Motlakase, jwa Meepo le jwa ditswammung, jwa go Tlhama madirelo le jwa Thekenoloji.[14]Dithuto tse dingwe tse di jaaka Boagi, Ditsha, Patlisiso ya Thulaganyo le tsone di a neelwa.

E fa Setifikeiti, Dipoloma, Batšhelara le Masters mo mafelong a a amanang le Boenjiniere. le dithuto tsa go rulaganya tse di tsayang dingwaga di le tlhano (dingwaga di le nne kwa Botswana le ngwaga wa bofelo go wetsa ka dithuto tsa masetase kwa ditheong tsa go rulaganya tsa seporofešenale).

Lephata la Dithuto tsa Batho

[fetola | Fetola Motswedi]

Lephata la Dithuto tsa Batho le na le mafapha a le lesome: dipuo le dikwalo tsa Seaforika; dithuto tsa Setšhaena; Seesimane; Sefora; Ditso; dithuto tsa motlobo wa dibuka le tshedimosetso; dithuto tsa bobegakgang; Dithuto tsa Sepotokisi. Le tsamaisa dithuto tsa pele ga kalogo le tsa morago ga kalogo.[15] Lefapha la ditso le akaretsa karolwana ya ditswammung kgotsa dilo tsa bogologolo.[16]Setheo sa Confucius kwa mmadikolong wa Botswana se tlhomilwe ka ngwaga wa 2006 e le karolo ya Lephata la Dithuto tsa Batho.[17]

Lephata la maranyane

[fetola | Fetola Motswedi]

Lephata la maranyane, le le nang le batho ba le bantsi ba ba ikwadisitseng ngwaga le ngwaga, le ne la simolola e le Sekolo sa maranyane sa UBBS ka ngwaga wa 1971. Mafapha a lone a ntlhantlha a le manè (Thuto ya Botshelo,Thuto ya di khemikhale , Dipalo le Maranyane a tlhago) a ne a amega fela mo go ruteng Karolo ya ntlha ya lenaneo la dikirii ya BSc. Ka ngwaga wa 1975, fa sekolo sa Lesotho se ne se kgaogana le UBBS, go ne ga simololwa go ruta Karolo ya bobedi (dingwaga tsa boraro le tsa bone) mo mafapheng otlhe. Mafapha a saense ya tikologo, thutafatshe, le saense ya dikhomputara a ne a okediwa mo lephateng le pele ga mmadikolo wa Botswana a nna teng ka ngwaga wa 1982.[18]

Mogolwane wa lephata la saense ya tikologo, Dr. Segosebe, gape ke modulasetilo wa mokgatlho wa Somarelang Tikologo, mokgatlho o o ikemetseng wa tikologo wa selegae kwa Gaborone.

Lephata la Saense ya Loago

[fetola | Fetola Motswedi]
Mmadikolo wa Botswana Saense ya Lefatshe

Dithulaganyo di le mmalwa mo maemong a setifikeiti, dipoloma, dikirii le masters di neelwa ke Lephata la Disaense tsa Loago. Baithuti ba ba amogetsweng mo thulaganyong ya BA ba letleletswe, ka tetla ya ditlhogo tsa mafapha, go dira dithuto tse dikgolo tse di kopantsweng mo dithutong tse pedi go tswa kwa mafapheng a a mo teng ga lephata mmogo le mafapha a a tlhophilweng mo mafapheng a mangwe. Dithulaganyo tsa Dikirii tse di neelwang mo lephateng di akaretsa Batšhelara ya Molao, Batšhelara ya Disaense tsa Loago, Batšhelara ya Tiro ya Loago, le Masetase ya Tsamaiso ya Setšhaba, mmogo le Batšhelara ya Bodiragatsi mo Dithutong tsa Bosiamisi jwa Bokebekwa.[19]

Sekolo sa Bongaka

[fetola | Fetola Motswedi]

Setlhogo se segolo: Bookelo jwa Thuto jwa ga Sir Ketumile Masire

Dikerii ya seporofešenale ya Bachelor ya Bongaka (MBBS) ke lenaneo la dingwaga di le tlhano. Dingwaga tse pedi tsa ntlha di latela mokgwa o o kopantsweng wa Thuto e e Theilweng mo Mathateng. Dingwaga tse tharo tsa bofelo di rulagantswe ka tsela ya kalafi go tlamela tšhono ya go dira mo bookelong le mo morafeng.[20]

Kago ya segompieno, e e agilweng mo sekolong se se golo sa mmadikolo gore go nne le sekolo sa bongaka e ne ya wediwa ka ngwaga wa 2012. Bookelo jwa go ruta jwa thuto jwa malao a le makgolo a mane le masome a matlhano bo ne jwa wediwa ka ngwaga wa 2014.[20] Ka palogare, palo yotlhe ya baithuti ba pele ga kalogo ba bongaka ba le masome a matlhano ba amogelwa mo thulaganyong ya MBBS ngwaga le ngwaga.[20]

Ditirisanommogo tsa Lefatshe ka bophara

[fetola | Fetola Motswedi]

Mmadikolo wa Botswana o babalela ditirisanommogo di le mmalwa tsa lefatshe ka bophara go tlhofofatsa tirisanommogo ya patlisiso le diphapano tsa dithuto. Balekane ba kananyo ya boditšhabatšhaba ba akaretsa:

Lefatshe la United States
[fetola | Fetola Motswedi]
  • Mmadikolo wa California (Lenaneo la Thuto kwa Dinageng di Sele la Yunibesithi ya California)[22]
  • Mmadikolo wa Pennsylvania (Tirisanommogo ya Botswana le UPenn ya go tokafatsa tlhokomelo ya kalafi)[23]
  • Mmadikolo wa Texas kwa Austin
  • Mmadikolo wa Georgetown[24]
  • Mmadikolo wa Kansas[25]
  • Kholetšhe ya Augustana[26]
  • Mmadikolo wa Indiana[27]
  • Mmadikolo wa Alabama[28]
  • Mmadikolo wa Illinois ya Toropo-Khempeini[29]
  • Mmadikolo wa Minnesota[30]
  • Mmadikolo wa Naga ya Florida[31]

Lefatshe la Europe

  • Kholetšhe ya Mmadikolo wa Maastricht kwa Yunibesithing ya Maastricht (Netherlands)
  • Mmadikolo waTübingen[32] (Jeremane)
  • Mmadikolo wa Goethe kwa Frankfurt[33] (Jeremane)
  • Mmadikolo waPotsdam[34] (Jeremane)
  • Mmadikolo wa Giessen[35] (Jeremane)
  • Mmadikolo wa Bremen[36] (Jeremane)
  • Mmadikolo wa Setegeniki ya Dortmund[37] (Jeremane)
  • Mmadikolo wa Koblenz le Landau[38] (Jeremane)
  • Mmadikolo waSetegeniki ya Kaiserslautern[39] (Jeremane)
  • Mmadikolo wa Katoliki ya Eichstatt-Ingolstadt[40] (Jeremane)
Asia-Pacific
[fetola | Fetola Motswedi]
Aforika
[fetola | Fetola Motswedi]

Metswedi

[fetola | Fetola Motswedi]
  1. 1 2 3 "Facts and Figures". Retrieved 2014-07-02.
  2. ↑ "Education | EMBASSY OF BOTSWANA, JAPAN". www.botswanaembassy.or.jp. Retrieved 25 May 2022.
  3. ↑ "THE rankings :: University of Botswana". Retrieved 24 February 2024.
  4. ↑ Mokopakgosi, Brian T. (22 May 2008). "Self-reliance and the History of Higher Education: The Botswana University Campus Appeal (BUCA)*". Journal of Southern African Studies. 34 (2): 293–304. doi:10.1080/03057070802037977. S2CID 144141224.
  5. ↑ "Vice President Masisi appointed UB Chancellor". University of Botswana. 6 July 2017. Retrieved 8 July 2017.
  6. ↑ "Welcome to University Of Botswana :: Home Page". www.ub.bw. Retrieved 16 September 2017.
  7. ↑ "Welcome to University Of Botswana :: University Council". www.ub.bw. Retrieved 16 September 2017.
  8. ↑ "Professor Norris appointed sixth UB Vice Chancellor | University of Botswana". www.ub.bw. Retrieved 27 July 2019.
  9. 1 2 "Welcome to University Of Botswana :: Home Page". www.ub.bw. Retrieved 16 September 2017.
  10. ↑ "History | University of Botswana". www.ub.bw. Retrieved 30 May 2020
  11. ↑ "Business | University of Botswana". www.ub.bw. Retrieved 9 May 2020.
  12. 1 2 "Faculty of Education | University of Botswana". www.ub.bw. Retrieved 30 May 2020.
  13. ↑ Teferra, Damtew (26 June 2017). Flagship Universities in Africa. Springer. ISBN 978-3-319-49403-6.
  14. ↑ "Faculty of Engineering and Technology | University of Botswana". www.ub.bw. Retrieved 31 May 2020.
  15. ↑ "Faculty of Humanities | University of Botswana". www.ub.bw. Retrieved 14 December 2021.
  16. ↑ "University of Botswana History Department". www.thuto.org. Retrieved 14 December 2021.
  17. ↑ "Confucius Institute | University of Botswana". www.ub.bw. Retrieved 14 December 2021.
  18. ↑ "History | University of Botswana". www.ub.bw. Retrieved 30 May 2020.
  19. ↑ "Faculty of Social Sciences | University of Botswana". www.ub.bw. Retrieved 30 May 2020.
  20. 1 2 3 Gaonyadiwe G. Mokone; Maikutlo Kebaetse; et al. (August 2014). "Establishing A New Medical School: Botswana's Experience". Acad. Med. 89 (8 0): 83–87. doi:10.1097/ACM.0000000000000329. PMC 4116079. PMID 25072587.
  21. ↑ "About the Student Exchange Program A". 京都大学アフリカ世界展開力プロジェクト. 24 February 2021. Retrieved 29 March 2024.
  22. ↑ "About the Student Exchange Program A". 京都大学アフリカ世界展開力プロジェクト. 24 February 2021. Retrieved 29 March 2024.
  23. ↑ "秋田大学国際資源学教育研究センター｜国立大学法人　秋田大学". www.akita-u.ac.jp. Retrieved 29 March 2024.
  24. ↑ "Sister Universities-Home--Jiangsu University". eng.ujs.edu.cn. Retrieved 29 March 2024.
  25. ↑ "Victoria University of Wellington". www.wgtn.ac.nz. Retrieved 29 March 2024.
  26. ↑ "UB, University of Adelaide Pen MoU | University of Botswana". www.ub.bw. Retrieved 29 March 2024.
  27. ↑ "ERASMUS+". www.ru.ac.za. 11 April 2014. Retrieved 29 March 2024.

Further reading

[fetola | Fetola Motswedi]
Retrieved from "https://tn.wikipedia.org/w/index.php?title=Mmadikolo_wa_Botswana&oldid=53790"