Jump to content

Segajaja sa Covid-19 mo Botswana

Go tswa ko Wikipedia

Motheo

[fetola | Fetola Motswedi]

Ka ngwaga wa dikete tse pedi le masome a mabedi(2020),ka kgwedi ya Ferikgong e le malatsi a le lesome le bobedi, lekgotla la botsogo la mafatshefatshe la World Health Organization (WHO) le ne la tlhomamisa gore mogare wa corona ke one o bakang bolwetsi jwa makgwafo jo bo neng bo bonwe mo setlhopheng sa batho kwa toropong ya Wuhan, kwa kgaolong ya Hubei, kwa lefatsheng la China,mme bo begetswe WHO ka kgwedi ya Sedimonthole e le malatsi a le masome a mararo le bongwe ngwaga wa dikete tse pedi le lesome le borobabongwe (2019).[1][2]

Dipalo tsa batho ba ba tlhokafetseng ka ntlha ya COVID-19 di ko tlase fa di tshwantshanngwa le tsa SARS ka 2003, [3][4] mme fela tsamaiso e nnile kgolo thata, ka palo yotlhe e e kwa godimo ya dintsho. [5][3]Dikitsiso tse di ikaegileng ka dikaelo tsa Botswana di supa gore sekgala sa go boikanyo sa karolo ya masome a borobabongwe le botlhano mo lekgolong sa palo ya go tsalana ga bolwetse e e farologaneng ka nako ya R t se ne se le kwa tlase ga bongwe mo sephatlong sa bobedi sa ngwaga wa dikete tse pedi le masome a mabedi le motso (2021).[6]

Go tlhomagana ga ditiragalo

[fetola | Fetola Motswedi]

Kgwedi ya Mopitlo,ngwaga wa dikete tse pedi le masome a mabedi

[fetola | Fetola Motswedi]

Ka kgwedi ya Mopitlo e le malatsi a le masome a mararo, go ne ga tlhomamisiwa fa batho ba le bararo ba fitlhetswe ka mogare o mo lefatsheng la Botswana.[7] Ka kgwedi ya Mopitlo a le malatsi a le masome a mabedi le botlhano, mme wa dingwaga tse di masome a supa le borobabobedi o neng a belaelwa a na le mogare wa COVID-19, o ne a tlhokafala kwa Ramotswa.[8] Malatsi a le mmalwa morago ga loso lwa gagwe, maduo a ne a boa a supa fa ka nnete a ne a na le mogare oo, mme se sa tsisa palo ya batho ba ba tshwereng ka mogare kwa go bone mo Botswana. Mo pegong e e neng e gasiwa ka tlhamalalo mo telebishining ya BTV mothusa tautona Slumber Tsogwane o ne a bolela fa ditlhopha tse di latedisang bolwetsi di lemogile fa batho ba le lesome le bone ba amane le o o tlhokafetseng ka jalo ba tlhatlhobilwe. Maduo a ba ba neng ba amane le moswi a ne a bolelwa ke tona wa botsogo wa nako e o Dr. Lemogang Kwape o neng e le ene gape a begileng boraro jwa ntlha bo tshwarwa ka mogare. Kwa mafelong a kgwedi, palo ya dintsho e ne e le bongwe, palo ya ba ba fitlhetsweng ka mogare e le bone, mme ba ba neng bolwetsi bo santse bo le mo go bone ba ne ba le bararo.

Kgwedi ya Moranang,ngwaga wa dikete tse pedi le masome a mabedi

[fetola | Fetola Motswedi]

Go ne ga tlhatlhobiwa batho ba bangwe ba le babedi morago ga beke tse pedi, mme ka Moranang a le lesome le boferabongwe Dr. Kwape a bega fa go na le batho ba le batlhano ba ba tshwerweng ka bolwetsi, ba le babedi ba ne ba tswa kwa United Kingdom, fa ba le bararo ba tsere bolwetsi mo gae, se sa tsisa dipalo tsa ba ba tsereng bolwetsi mo gae kwa boratarong.

Ka Moranang a le malatsi a le masome a mabedi le bobedi, batho ba le babedi ba ne ba tshwarwa ka bolwetsi kwa kgaolong ya Metsimotlhabe-Molepolole, se sa tsisa dipalo kwa go masome a mabedi le bobedi. Bobedi jo bo ne bo tsere bolwetsi mo gae, ka jalo dipalo tsa mo gae di oketsega go nna boferabobedi ka nako e o. [9]Ka Moranang a le masome a mabedi le boferabobedi, go ne ga nna le motho o mongwe gape o o tsereng bolwetsi mo gae.

Go ya ka lephata la botsogo (Ministry of Health) go ne go simolotswe go latedisiwa batho ba neng ba amane le ba ba tshwerweng ka bolwetsi kwa Molepolole, Metsimotlhabe, Mahalapye, Bobonong le Siviya, ba botlhe ba neng ba fitlhelwa ka mogare wa coronavirus. Ka kgwedi ya Motsheganong e tlhola gangwe, go ne go tlhatlhobilwe batho ba le dikete di supa, makgolo a le marataro, masome a supa le botlhano, mapalamente le tautona le mothusi wa gagwe ba ne ba seka ba fitlhelwa ba na le mogare oo.

Mo pegong e e neng e gasiwa mo telebishining, tautona Masisi o ne a oketsa thibelo metsamao ka beke tse dingwe tse pedi tse go neng ga repisiwa melao ka tsone. Go ya ka tautona, balwetsi botlhe ba COVID-19 ba ne ba sa supe dikai mme ebile ba sidilega.Maduo a ba ba neng ba amane le o o tlhokafetseng a ne a begiwa ke tona wa botsogo (Health and Wellness) Dr. Lemogang Kwape. Kwape o ne a bega fa bosupa mo go ba le lesome le bone ba fitlhetswe ka mogare se sa isa dipalo kwa go lesome le boraro.[10]

Ka kgwedi ya Moranang a le masome a mabedi le boferabongwe, batho ba le batlhano ba ne ba fola mo lefatshing la Botswana.[11]

Kgwedi ya Moranang fa e ya bokhutlong, palo ya batho ba ba neng ba tshwerwe ka mogare e ne e le kwa go masome a mabedi le boraro, e oketsegile ka lesome le boferabongwe go tswa ka Mopitlo. Dipalo tsa dintsho di ne di sa fetoga. Mme ga bo go na le lesome le bosupa la batho ba mogare o neng o santse o le mo mebeleng ya bone.[12]

Kgwedi ya Motsheganong,ngwaga wa dikete tse pedi le masome a mabedi

[fetola | Fetola Motswedi]

Batho ba le bararo ba ba fodileng ba ne ba begiwa ka Motsheganong a tlhola gangwe. [13]Ka Labone, Motsheganong a le malatsia a supa, Botswana o ne a kwadisa dipalo tse dingwe tsa ba ba fodileng. Ka Labotlhano Motsheganong a le malatsi a ferabobedi bosigogare, kiletso mesepele ya malatsi a le masome a mararo le botlhano mo Botswana ya ya bokhutlong, se sa simolodisa go repisiwa ga melao e e neng e beilwe ke puso dibeke di le tharo, mme ga simolola go boelwa ditirong go simolola ka letsatsi la boferabobedi la Motsheganong go fitlhelela ka letsatsi la bosome le bone la kgwedi eo. Ka Mosupologo a le malatsi a le lesome le bone Motsheganong, lefatshe la Botswana la gatisa motho o mongwe o o tshwereng ka bolwetsi.[14] Ditlhatlhobo di ne di dirilwe di le dikete di le lesome le motso makgolo a mane, amsome a ferabongwe le botlhano ka kgwedi ya Motsheganong e le malatsi a le lesome le bobedi. Balwetsi ba le batlhano ba ne ba fola, mme ga sala ba le barataro.[15] Motho a le mongwe o ne a fitlhelwa ka mogare ka malatsi a le lesome le bosupa, se se isa dipalo tsa ba ba nang le bolwetsi kwa go bosupa.[16] Ka letsatsi la bo masome a mabedi le bongwe, batho ba le bane ba tshwarwa ka mogare, fa ba le babedi ba ne ba fola, se se tsisa dipalo kwa go boferabongwe. Morago ga letsatsi, Botswana a gatisa motho o mongwe se sa isa dipalo tsa ba ba santse ba na le bolwetsi mo bekeng ya Tshipi a le lesome le bosupa go nna borataro. Ka Motsheganong a le malatsia le masome a mabedi le bone go ne go na le batho ba bangwe ba le batlhano, mme palo ya nna masome a mararo le botlhano fa ya ba ba nang le bolwetsi e nnile lesome le botlhano.

Fa Motsheganong a ya bokhutlong, palo yotlhe ya batho ba ba tshwerweng ka mogare e ne ele masome a mararo le botlhano, e oketsegile ka lesome le bobedi go tswa ka Moranang. Palo ya dintsho e ne e sa fetoga. Go ne go na le ba ba santseng ba na le bolwetsi ba le lesome le bone, e fokotsegile ka 18% go tswa kwa bofelong jwa kgwedi ya Moranang.[17]

Seetebosigo 2020

[fetola | Fetola Motswedi]

Ka kgwedi ya Seetebosigo a tlhola malatsi a le lesome le bone, go ne ga dirwa ditlhatlhobo tsa COVID di le dikete tse masome a mabedi le bone le makgolo a le borobabobedi.[18]

Ka kgwedi ya Seetebosigo a tlhola malatsi a le lesome le boraro, setlhopha sa tiro sa ga Tautona sa Botswana sa COVID-19 se ne se tsere tshwetso ya go tsenya kgaolo eo mo thibelong ya motsamao lekgeto la bobedi. Dikolo le ditirelo tse dingwe tse di seng botlhokwa di ne tsa tswalwa gape, go sa letlelelwe tiro epe ya kwa ntle go sena ditetlelelo.[19] Paka ya go thibelo ya motsamao e fedile ka Seetebosigo a le tlhola malatsi a le lesome le borataro ka ba ne ba atlegile ka go latedisa batho ba ba amegileng go bona batho ba ba itsiweng.[20]

Kwa bokhutlong jwa Seetebosigo, palo yotlhe ya ditiragalo tsa bolwetse tse di netefaditsweng e ne ya fitlha ko makgolong a mabedi le maome a supa. Mo bathong ba, batho ba le lekgolo le masomea borobabobedi le bongwe ba ne ba dumetse go busediwa kwa mahatsheng a bone, balwetse ba le masome a mabedi le borobabobedi mo go ba ba setseng ba le masome a mane le borataro ba ne ba fodile, mongwe o ne a tlhokafetse, mme ba le lesome le bosupa ba ne ba sa ntse ba le mo dipalong tse di matlhagatlhaga (koketsego ka karolo ya masome a mabedi le bongwe mo lekgolong ya kgwedi ya Motsheganong).[21]

Phukwi 2020

[fetola | Fetola Motswedi]

Ka kgwedi ya Phukwi a tlhola malatsi a le masome a mabedi le bosupa , go ne ga begwa loso lwa bobedi lwa Botswana la COVID-19.[22]

Ka kgwedi ya Phukwi a tlhola malatsi a le masome a mararo le bongwe ,Gaborone yo mogolo o ne a tsene mo thibelong ya metsamao lekgeto la boraro morago ga go tlhatloga thata ga dipalo tsa COVID-19 tse di tshelanwang mo gae. Go tswalelwa mo matlong go ne go solofetswe go tsaya lobaka lwa dibeke di le pedi.[23]Kwa bokhutlong jwa kgwedi, palo yotlhe ya dipalo tsa bolwetsi tse di netefaditsweng e ne e le makgolo a borobabobedi le masome borobabongwe le bone.

Phatwe 2020

[fetola | Fetola Motswedi]

Ka kgwedi ya Phatwe a tlhola malatsi a le marataro ngaka le mosadi wa gagwe ba ne ba fitlhelwa ba na le mogare o kwa bookelong jwa Bamalete Lutheran, fa molwetse kwa bookelong joo a ne a tlhokafala ka ntlha ya go belaelwa gore o na le COVID-19.[24] Letsatsi le le latelang, maloko a setlhopha sa tiro sa ga tautona sa COVID-19 a ne a tlhatlhobelwa mogare wa corona. Ditlhatlhobo di le lesome mo go tse masome a mane le borataro tse di dirilweng mo setlhopheng sa tiro di ne di supa fa mogare o le teng. Maloko a a fitlhetsweng a na le mogare a ne a akaretsa Ngaka Kereng Masupu (mogokaganyi) le Ngaka Mogomotsi Matshaba (mogakolodi wa bonetetshi).[25] Moporofesara Mosepele (motlatsamogokaganyi), yo o neng a fitlhelwa a sa fitlhelwe a na le mogare o, o ne a dira kgwebo ya go rola tiro mo setlhopheng sa tiro mme moragonyana a e gogela morago.[26]

Go nnile le dipalo tse dišwa di le lekgolo le masome a supa le bobedi ka kgwedi ya Phatwe a tlhola malatsi a le supa,e e leng palo e e kwa godimo ya ditshwaetsego tse di itsisitsweng mo letsatsing le le lengwe go fitlha ga jaana. Malatsi a le mararo morago ga moo go ne ga begwa dipalo dile dišwa tse lekgolo le masome a mane le borobabobedi, mme se sa tlhatlosa palo yotlhe ya dipalo tse di netefaditsweng go nna sekete se le sengwe le makgolo a mabedi le lesome le bone. Go ne ga itsisiwe loso ka kgwedi ya Phatwe a tlhola malatsi a le lesome le boraro, mme se se tlhatlosa palo ya dintsho go nna tharo.[27] Ka letsatsi lone leo go ne ga begwa dipalo tse dišwa di le masome a borobabongwe le bone, mme di le masome a marataro le bosupa tsa tsone e ne e le baagi mme di le masome a mabedi le bosupa e ne e le ba tswa kwa.[28] Palo yotlhe ya ditiragalo tse di netefaditsweng e tlhatlogetse ko seketeng se le sengwe le makgolo a mararo borobabobedi .

Ka kgwedi ya Phatwe a tlhola malatsi a le lesome le borataro go ne ga nna le dipalo tse dišwa di le lekgolo le masome a mararo le bone, mme se sa tlhatlosa palo yotlhe ya bolwetse go nna sekete se le sengwe le makgolo a mane le masome a mane le bobedi. Se se ne sa tlhatlogela kwa seketeng se le sengwe le makgolo a matlhano le masome a marataro le bobedi ka kgwedi a Phatwe a tlhola malatsi a le mabedi le bobedi morago ga gore go netefadiwe dipalo tse dišwa di le lekgolo le masome a mabedi (baagi ba selegae ba le masome a le bosupa le boraro le batswakwa ba le masome a mane le bosupa).[29]

Dipalo tse dišwa di le masome a supa le bongwe le dintsho di le tharo di begilwe ka Phatwe a tlhola malatsi a le mabedi le bone, mme se se tlhatlositse palo yotlhe ya bolwetsi go nna sekete se le sengwe le makgolo a le marataro le masome a mararo le boraro le palo ya dintsho go nna thatharo. Dintsho tse tharo tse di begilweng ka Phatwe a tlhola malatsi a le masome a mabedi le bone e ne e le lesea la dikgwedi di le tharo le basadi ba bagolwane ba le babedi.

Go nnile le dipalo tse dišwa di le masome a borobabongwe le bongwe ka kgwedi ya Phatwe e hlola malatsi a le masome a mabedi le borobabobedi, mme se se tlhatlositse palo yotlhe ya bolwetsi tse di netefaditsweng go nna sekete se le sengwe le makgolo a supa le masome a mabedi le bone.

Lwetse 2020

[fetola | Fetola Motswedi]

Ka kgwedi ya Lwetse a tlhola malatsi a le mane palo ya bolwetse tse di netefaditsweng e tlhatlhogile ka makgolo a le mabedi le masome a supa le borobabobedi go ya ko ko dikete tse pedi le bobedi; koketsego e e kwa godimo ya letsatsi le letsatsi go fitlhela ga jaana. Palo ya dintsho e ne ya oketsega go nna borobabobedi. Ka kgwedi ya Lwetse a tlhola malatsi a le supa le le a tlhola lesome go ne ga itsisiwe dipalo tse dingwe di le lekgolo le masome a mabedi le bone le lekgolo le masome a mabedi le borataro, mme se sa tlhatlosa palo yotlhe ya bolwetse e e netefaditsweng go nna dikete tse pedi le makgolo a mabedi,masome a matlhano le bobedi. Palo ya dintsho e ne ya oketsega go nna lesome.[30]

Ka kgwedi ya Lwetse a tlhola malatsi ale lesome le bone go ne ga nna le dipalo tse dišwa di le makgolo a mabedi le lesome le bongwe, mme se sa tlhatlosa palo yotlhe ya bolwetsi e e netefaditsweng go nna dikete tse pedi lemakgolo a mane,masome a marataro le boraro. Palo ya dintsho e ne ya tlhatlogela go nna lesome le bongwe. Malatsi a mabedi morago ga moo go ne ga begwa dipalo tse dingwe gape di le lekgolo le bone, mme se sa dira gore palo yotlhe ya bolwetsi e e netefaditsweng e nne dikete tse pedi le makgolo a matlhano le masome a thataro le bosupa. Palo ya dintsho e ne ya tlhatlogela kwa go 13.[31]

Go nnile le dipalo tse dišwa di le makgolo a mararo le masome a matlhano le bone ka kgwedi ya Lwetse a le masome a mabedi le bone, e leng palo e e kwa godimo ya dipalo tsa bolwetse tse di begilweng letsatsi le letsatsi go fitlha ga jaana mme e tlisa palo yotlhe ya bolwetsi e e netefaditsweng go nna dikete tse pedi le makgolo a borobabongwe le masome a mabedi le bongwe . Palo ya dintsho e tlhatlogetse ko lesomeng le borataro. [32][33]

Malatsi a le mararo moragonyana, palo yotlhe ya bolwetsi e e netefaditsweng e ne ya tlhatloga ka makgolo a le mabedi le masome a le botlhano le bongwe go ya go diketeng tse tharo le lekgolo le masome a supa le bobedi. Palo ya dintsho e ne ya nna e sa fetoge.[34]

Ngwanatsele 2020

[fetola | Fetola Motswedi]

Ka kgwedi ya Ngwanatsele e tlhola malatsi a le masome a mabedi le botlhano, palo ya bolwetsi e e netefaditsweng e ne ya oketsega go nna dikete tse lesome le makgolo a a mabedi le masome a matlhano le borobabobedi, mme ya feta dipalo di le dikete tse lesome tse di netefaditsweng mo nageng.

Sedimonthole 2020

[fetola | Fetola Motswedi]

Ka kgwedi ya Sedimonthole e tlhola malatsi a ke mabedi palo ya bolwetsi e e netefaditsweng e ne ya oketsega go nna diketsetse lesome le bongwe le makgolo a matlhano le masome a mararo le bongwe, mme ba le sekete se le sengwe le makgolo a le matlhano le masome a mabedi le bongwe bone ba ne ba fuduseditswe kwa mahatsheng a mangwe, fa palo ya dintsho e ne ya tlhatlogela kwa masomeng a mararo le bone.[35]

Ka kgwedi ya Sedimonthole e tlhola malatsi a le thataro palo ya bolwetsi e e netefaditsweng e ne ya oketsega go fitlha go dikete tse lesome le bobedi le makgolo a matlhano le bongwe, mme ba le sekete se le sengwe le makgolo a matlhano le masome a mararo le bobedi ba ne ba fetiseditswe kwa mahatsheng a mangwe. Palo ya dintsho e ne ya tlhatlogela go masome a mararo le borataro.

Ka kgwedi ya Sedimonthole palo ya bolwetsii e e netefaditsweng e ne ya oketsega go nna diketse tse lesome le bobedi le makgolo a le matlhano le bongwe, mme sekete se le sengwe le makgolo a matlhano le masome a supa a tsone ne e fetiseditswe kwa mahatsheng a mangwe.[36] Palo ya dintsho e ne ya tlhatlogela kwa masomeng a mararo le bosupa. Morago ga malatsi a le mararo palo ya batho ba ba netefaditsweng ba na le bolwetse jo e ne ya oketsega go nna dikete tse lesome le bobedi le makgolo a borobabobedi le masome a bosupa le boraro, mme ba le sekete se le sengwe le makgoloa matlhano le masome a borobabongwe le boraro ba bone ba ne ba fetiseditswe kwa mahatsheng a mangwe. Palo ya dintsho e ne ya tlhatlogela kwa masomeng a mararo le borobabobedi.[37] Malatsi a mabedi morago ga foo palo ya bolwetse e e netefaditsweng e ne ya tlhatlogela kwa dketeng tse lesome le boraro le lesome le bongwe le bone, mme sekete se le sengwe le makgolo a thataro e ne e fetiseditswe kwa mahatsheng a mangwe.[38]

Thibelo

[fetola | Fetola Motswedi]

Puso e ne ya emisa go kgobokana ga batho ba feta masome a matlhano le go tsena ka melwane ga batho ba ba tswang kwa mafatsheng a a mo diphatseng, e le tsela ya go itsa go thanya lomapo lo le tsebeng.[39] [40]Ka kgwedi ya Mopitlo e le masome a mabedi le bone , puso e ne ya bega fa melelwane yotlhe kwa ntleng ga e le lesome le bobedi, e tswalwa. Baagi ba Botswana ba ne ba letlelelwa go boela gae mme ba tswalelwe ko ba ka sekeng ba amane le batho ba bangwe malatsi a le lesome le bone. Go ne go na le matshwenyego le fa go ntse jalo a gore batho ba ka tlhagela go tswa kwa lefatsheng la Zimbabwe ba sa tsene kwa go letleletsweng.[41]

Dikolo tsotlhe di ne tsa tswalwa go tswa ka Mopitlo a le malatsi a le masome a mabedi. Mme ga simololwa go rutiwa ka Seetebosigo a le malatsi a le mabedi.[42]

Segajaja le kiletso mesepele di ne tsa kgoreletsa go tsoma ditlou mo go neng go ya go nna ga ntlha mo Botswana fa e sale ka ngwaga wa dikete tse pedi le lesome le bone (2014),[43] di ne tsa ama gape le mohama wa diteemane.[44]

E ne ya re ka kgwedi ya Mopitlo a le malatsi a le masome a mararo le bongwe, tautona wa Botswana Mokgweetsi Masisi a fa pego mme a simolodisa nako ya seemo sa tshoganetso ka maikaelelo a go gagamatsa ditsela tsa go thibela dikotsi tsa segajaja sa COVID-19. Tautona o re malatsi a a masome mabedi le motso a seemo sa tshoganetso a tla bo a sa lekana go diragatsa tse di tlhokafalang go lwantsha segajaja.

References

[fetola | Fetola Motswedi]
  1. ↑ Elsevier. "Novel Coronavirus Information Center". Elsevier Connect. Archived from the original on 30 January 2020. Retrieved 15 March 2020.
  2. ↑ Reynolds, Matt (4 March 2020). "What is coronavirus and how close is it to becoming a pandemic?". Wired UK. ISSN 1357-0978. Archived from the original on 5 March 2020. Retrieved 5 March 2020.
  3. 1 2 "Crunching the numbers for coronavirus". Imperial News. 13 March 2020. Archived from the original on 19 March 2020. Retrieved 15 March 2020.
  4. ↑ "High consequence infectious diseases (HCID); Guidance and information about high consequence infectious diseases and their management in England". GOV.UK. Archived from the original on 3 March 2020. Retrieved 17 March 2020.
  5. ↑ "World Federation Of Societies of Anaesthesiologists – Coronavirus". www.wfsahq.org. Archived from the original on 12 March 2020. Retrieved 15 March 2020.
  6. ↑ Future scenarios of the healthcare burden of COVID-19 in low- or middle-income countries, MRC Centre for Global Infectious Disease Analysis at Imperial College London.
  7. ↑ "Botswana registers first Covid-19 cases as three people test positive". www.iol.co.za. 31 March 2020. Retrieved 31 March 2020.
  8. ↑ "Mystery over Botswana's COVID-19 "Patient Zero" deepens". Sunday Standard. 11 May 2020. Retrieved 29 June 2020.
  9. ↑ "Botswana records two more COVID-19 cases". allAfrica.com. 22 April 2020. Retrieved 23 April 2020.
  10. ↑ "Botswana registers 7 more COVID-19 cases". Botswana Daily News. 9 April 2020. Archived from the original on 1 October 2020. Retrieved 26 May 2020.
  11. ↑ "Five Covid-19 patients recovered". DailyNews.gov.bw. 29 April 2020. Retrieved 29 April 2020.
  12. ↑ "Coronavirus disease (COVID-19) situation report 102" (PDF). World Health Organization. 1 May 2020. p. 6. Retrieved 2 July 2020.
  13. ↑ "Botswana records three more recoveries". Botswana Daily News. 2 May 2020. Retrieved 4 May 2020.
  14. ↑ "Gaborone City under lockdown". TheVoicebw.com. 11 May 2020. Retrieved 13 May 2020.
  15. ↑ "COVID-19 Government of Botswana". gov.bw. 12 May 2020. Retrieved 12 May 2020.
  16. ↑ "Coronavirus : le bilan en Afrique ce 19 mai". EbeneMagazine.com (in French). 19 May 2020. Retrieved 19 May 2020.
  17. ↑ "Coronavirus disease (COVID-19) situation report 132" (PDF). World Health Organization. 31 May 2020. p. 5. Retrieved 2 July 2020.
  18. ↑ "Home". gov.bw. Archived from the original on 1 December 1998. Retrieved 30 April 2020.
  19. ↑ "LOCKDOWN OF GREATER GABORONE COVID-19 ZONE". www.facebook.com. Retrieved 13 June 2020.
  20. ↑ "LOCKDOWN LIFTED!". www.facebook.com. Botswana Government. Retrieved 17 June 2020.
  21. ↑ "Coronavirus disease (COVID-19) situation report 163" (PDF). World Health Organization. 1 July 2020. p. 7. Archived (PDF) from the original on 2 July 2020. Retrieved 2 July 2020.
  22. ↑ "Botswana registers second COVID-19 death". allAfrica. 27 July 2020. Retrieved 11 March 2025.
  23. ↑ "LOCKDOWN OF GREATER GABORONE ZONE". facebook.com. Botswana Government. 30 July 2020. Retrieved 31 July 2020.
  24. ↑ "Doctor tests positive of Covid-19 at Bamalete Lutheran Hospital". TheVoiceBW. 7 August 2020. Archived from the original on 26 July 2024. Retrieved 9 August 2020.
  25. ↑ "Coronavirus – Botswana: the Presidential COVID-19 task team results". pulse. 11 August 2024. Retrieved 11 March 2025.
  26. ↑ "Mosepele decides to stay with team". Daily News. 9 August 2020. Archived from the original on 26 July 2024. Retrieved 9 August 2020.
  27. ↑ "COVID-19 cases up by 130 per cent". Daily News. 16 August 2020. Archived from the original on 26 July 2024. Retrieved 18 August 2020.
  28. ↑ "31 health workers COVID-19 positive". Daily News. 18 August 2020. Archived from the original on 26 July 2024. Retrieved 19 August 2020.
  29. ↑ "Local transmission spreads countrywide". Daily News. 25 August 2020. Archived from the original on 26 July 2024. Retrieved 27 August 2020.
  30. ↑ "COVID-19 Task Force Team to introduce geo fencing bracelet". Botswana Daily News. 14 September 2020. Archived from the original on 26 July 2024. Retrieved 15 September 2020.
  31. ↑ "Task team foresees jump in COVID-19 cases". Botswana Daily News. 20 September 2020. Archived from the original on 26 July 2024. Retrieved 21 September 2020.
  32. ↑ "Botswana removes travel restrictions for local holidaymakers". Big News Network. 27 September 2020. Archived from the original on 9 November 2021. Retrieved 29 September 2020.
  33. ↑ Koogotsitse, Gofaone (15 December 2020). "Covid-19 funeral traumatises family". TheVoiceBW. Archived from the original on 19 December 2020. Retrieved 21 December 2020.
  34. ↑ "Botswana extends emergency measures to combat virus". AP. 29 September 2020. Archived from the original on 29 September 2020. Retrieved 29 September 2020.
  35. ↑ "Outbreak brief 47: Coronavirus disease 2019 (COVID-19) pandemic" (PDF). Africa CDC. 8 December 2020. p. 4. Archived (PDF) from the original on 12 January 2021. Retrieved 14 December 2020.
  36. ↑ "Outbreak brief 48: Coronavirus disease 2019 (COVID-19) pandemic" (PDF). Africa CDC. 15 December 2020. p. 4. Retrieved 11 March 2025.
  37. ↑ Manyepedza, Chendzimu (15 December 2020). "Stay home". Daily News. Archived from the original on 26 July 2024. Retrieved 16 December 2020.
  38. ↑ "The great Gaborone escape". Mmegi. 18 December 2020. Archived from the original on 26 July 2024. Retrieved 21 December 2020.
  39. ↑ "Coronavirus: Botswana bans US, UK, China arrivals". Mmegi. 16 March 2020.
  40. ↑ "Botswana bars travellers from coronavirus-hit countries". 16 March 2020. Retrieved 17 March 2020.
  41. ↑ "Botswana, with No COVID-19 Cases, Closes Borders After Death in Zimbabwe | Voice of America – English". www.voanews.com. Retrieved 25 March 2020.
  42. ↑ "Botswana schools reopen amid concerns over preparedness". www.voanews.com. 5 June 2020. Retrieved 9 June 2020.
  43. ↑ "Coronavirus may mean Botswana's hunting season is cancelled". www.aljazeera.com. Retrieved 25 March 2020.
  44. ↑ "Botswana's Diamond Sales Face Slump as Coronavirus Locks Out Key Buyers | Voice of America – English". www.voanews.com. Retrieved 25 March 2020.
Retrieved from "https://tn.wikipedia.org/w/index.php?title=Segajaja_sa_Covid-19_mo_Botswana&oldid=52976"