Kgosi Bathoen Gaseitsiwe

Bathoen Gaseitsiwe
Tsalo	18 May 1908 Kanye, Bechuanaland
Leso	3 Diphalane 1990(1990-10-03) (aged 82) Gaborone, Botswana
Letso	Motswana
Office	2nd Leader of the Opposition
Mosadi	Mmafane Ester Ketimetse Gaseitsiwe (died 1966)
Bana	5

Kgosi Bathoen Seepapitso Gaseitsiwe o o itsegeng gape ka leina la Bathoen wa bobedi (Bathoen II), o tshotswe ka kgwedi ya Motsheganong e le lesome le boferabobedi ka ngwaga wa sekete makgolo a robabongwe le borobabobedi (1908), mme a tlhokafala ka kgwedi ya Phalane e le malatsi a le mararo ka ngwaga wa sekete, makgolo a robabongwe le masome a robabongwe (1990). O ne a le kgosi, moatlhodi, lepolotiki, le kgosikgolo ya Bangwaketse go tswa ka ngwaga ya sekete, makgolo a robabongwe le masome a mabedi le borobabobedi (1928) go tsena ka ngwaga wa sekete, makgolo a robabongwe le masome a robabongwe (1990). O berekile ele modulasetilo wa Botswana National Front (BNF) go tswa ka ngwaga wa sekete, makgolo a robabongwe le masome a marataro le borataro (1966) go tsena ka ngwaga wa sekete, makgolo a robabongwe le masome a robabobedi le botlhano (1985), moeteledipele wa diphathi tsa kganetso go tswa ka ngwaga wa sekete, makgolo a robabongwe le masome a marataro le borobabongwe (1969) go tsena ka ngwaga wa sekete, makgolo a robabongwe le masome a robabobedi le bone (1984) gape e le moeteledipele wa kgotlatshekelo go tswa ka ngwaga wa sekete, makgolo a robabongwe le masome a robabobedi le botlhano (1985) go fitlhelela a tlhokafala ka ngwaga wa sekete, makgolo a robabongwe le masome a robabongwe (1990). O ne a emela kgaolo ya botlhophi ya borwa jwa Kanye kwa palamenteng makgetho a le mararo. Ka nako e a neng a le moeteledipele wa BNF e e neng e le yone phati ya polotiki ya bobedi ka botona mo lefatsheng, o ne a le moganetsi mogolo wa puso ya Botswana Democratic Party (BDP), e e neng e eteletswe pele ke Seretse Khama le Quett Masire ka dingwaga tse pedi tse dilesome ka nako ya lefatshe le tsaya boipuso.

Botshelo jwa gagwe

O tsene dikolo mono gae, mme a tloga a romelwa kwa Aferika Borwa go tswa ka ngwaga ya 1919 go tsena ka ngwaga wa sekete, makgolo a robabongwe le masome a mabedi le bosupa (1927) go ya go tsweledisa dithuto kwa Tiger Kloof le kwa Lovedale Missionary Institute, Bathoen II o ne a tsaya bogosi jwa morafe wa Bangwaketse ka ngwaga wa sekete ,makgolo a robabongwe le masome a mabedi le borobabobedi (1928). O berekile thata le Tshekedi Khama, Kgosi ya Bangwato ka nako ya fa ba lwela kgololesego mo go Mmamosadinyana. O ne a le kgosi ebile a le modulasetilo wa khansele e e gakololang. Jaaka moganetsi wa ga Seretse Khama le phathi ya BDP, Bathoen lefa a ne a le sebete se molangwana, o ne a baya monwana tumalano ya molaomotheo wa lefatshe le go tsaya boipuso ga lefatshe la Bechuanaland go tswa mo go la United Kingdom ka ngwaga wa sekete, makgolo a robabongwe le masome a marataro le borataro (1966) kgwedi ya Lwetse.

Ka a ne a sa itumelele se a neng a bona e le go dirisa botlhaswa nonofo ya bogosi mo lefatshing le go itlhaganelela go tsisa puso ya batho ka batho ka fa tlase ga puso ya ga Khama, Bathoen o ne a ithola marapo mo bogosing ka ngwaga wa sekete ,makgolo a robabongwe le masome a marataro le borobabongwe (1969) kgwedi ya Phukwi e tlhola gangwe, morago ga go busa dingwaga di le masome a mane, mme a emela botautona a le mo phathing ya BNF ka ditlhopho tsa ngwaga wa sekete , makgolo a robabongwe le masome a marataro le borobabongwe (1969). Le ntswa BDP e ne ya tsaya puso gape, Bathoen o ne a fenya ntlhopheng wa mothusa tautona Quett Masire kwa Kanye South ka palo e e kwa godimo, a ipaya pele jaaka moeteledipele wa kganetso kwa palamenteng.

Bathoen o ne a tshwarelela maemo a moeteledipele wa kganetso mme a boa a tlhophiwa gape kwa kgaolong ya gagwe ya botlhophi ka ngwaga wa sekete , makgolo a robabongwe le masome a supa le bone (1974) le ka ngwaga wa sekete, makgolo a robabongwe le masome a supa le borobabongwe (1979). Ka nako ya gagwe, o ne a gogagogana le Kenneth Koma ka bogogi jwa phathi, o e neng e le leloko la ntlha la phathi e o. Ka nako ya bogogi jwa ga Bathoen, diphathi tsa kganetso di ne di iphitlhela di thibeletswe fela mo go tsa merafe mme di sa kgone go itsetsepela kgatlhanong le BDP. Bathoen o ne a ikgogela morago kwa palamenteng ka ngwaga wa sekete, makgolo a robabongwe le masome a robabobedi le bone (1984),a sutela tlhopho ya ga Koma jaaka moeteledipele wa kganetso. O ne a tlhomiwa tautona wa kgotlatshekelo ngwaga o o latelang, maemo a o o nnile mo go one go fitlhelela a tlhokafala. O ne a tswelela ka go tshwayadiphoso puso le boeteledi jwa ga Koma kwa BNF, a rotloetsa go simolodisiwa ga Botswana Freedom Party (BFP) ka ngwaga wa 1980, le ntswa a ne a seka a nna moeteledipele wa yone. O ne a tlhokafala ka ngwaga wa sekete , makgolo a robabongwe le masome a robabongwe le bobedi (1992), ka kgwedi ya Phalane a le malatsi a mararo a le dingwaga di le masome a ferabobedi le bobedi.