Kgosi Bathoen Gaseitsiwe

Bathoen Gaseitsiwe
Tsalo	18 May 1908 Kanye, Bechuanaland
Leso	3 Diphalane 1990(1990-10-03) (aged 82) Gaborone, Botswana
Letso	Motswana
Office	2nd Leader of the Opposition
Mosadi	Mmafane Ester Ketimetse Gaseitsiwe (died 1966)
Bana	5

Kgosi Bathoen Seepapitso Gaseitsiwe o o itsegeng gape ka leina la Bathoen wa bobedi (Bathoen II), o tshotswe ka kgwedi ya Motsheganong e le lesome le boferabobedi ka ngwaga wa 1908, mme a tlhokafala ka kgwedi ya Phalane e le malatsi a le mararo ka ngwaga wa 1990. O ne a le kgosi, moatlhodi, lepolotiki, le kgosikgolo ya Bangwaketse go tswa ka ngwaga ya 1928 go tsena ka 1990. O berekile ele modulasetilo wa Botswana National Front (BNF) go tswa ka ngwaga wa 1966 go tsena ka 1985, moeteledipele wa diphathi tsa kganetso go tswa ka 1969 go tsena ka 1984 gape e le moeteledipele wa kgotlatshekelo go tswa ka 1985 go fitlhelela a tlhokafala ka 1990. O ne a emela kgaolo ya botlhophi ya borwa jwa Kanye kwa palamenteng makgetho a le mararo. Ka nako e a neng a le moeteledipele wa BNF e e neng e le yone phati ya polotiki ya bobedi ka botona mo lefatsheng, o ne a le moganetsi mogolo wa puso ya Botswana Democratic Party (BDP), e e neng e eteletswe pele ke Seretse Khama le Quett Masire ka dingwaga tse pedi tse dilesome ka nako ya lefatshe le tsaya boipuso.

Botshelo jwa gagwe

O tsene dikolo mono gae, mme a tloga a romelwa kwa Aferika Borwa go tswa ka ngwaga ya 1919 go tsena ka 1927 go ya go tsweledisa dithuto kwa Tiger Kloof le kwa Lovedale Missionary Institute, Bathoen II o ne a tsaya bogosi jwa morafe wa Bangwaketse ka ngwaga wa 1928. O berekile thata le Tshekedi Khama, Kgosi ya Bangwato ka nako ya fa ba lwela kgololesego mo go Mmamosadinyana. O ne a le kgosi ebile a le modulasetilo wa khansele e e gakololang. Jaaka moganetsi wa ga Seretse Khama le phathi ya BDP, Bathoen lefa a ne a le sebete se molangwana, o ne a baya monwana tumalano ya molaomotheo wa lefatshe le go tsaya boipuso ga lefatshe la Bechuanaland go tswa mo go la United Kingdom ka 1966 kgwedi ya Lwetse.

Ka a ne a sa itumelele se a neng a bona e le go dirisa botlhaswa nonofo ya bogosi mo lefatshing le go itlhaganelela go tsisa puso ya batho ka batho ka fa tlase ga puso ya ga Khama, Bathoen o ne a ithola marapo mo bogosing ka ngwaga wa 1969 kgwedi ya Phukwi e tlhola gangwe, morago ga go busa dingwaga di le masome a mane, mme a emela botautona a le mo phathing ya BNF ka ditlhopho tsa 1969. Le ntswa BDP e ne ya tsaya puso gape, Bathoen o ne a fenya ntlhopheng wa mothusa tautona Quett Masire kwa Kanye South ka palo e e kwa godimo, a ipaya pele jaaka moeteledipele wa kganetso kwa palamenteng.

Bathoen o ne a tshwarelela maemo a moeteledipele wa kganetso mme a boa a tlhophiwa gape kwa kgaolong ya gagwe ya botlhophi ka ngwaga wa 1974 le 1979. Ka nako ya gagwe, o ne a gogagogana le Kenneth Koma ka bogogi jwa phathi, o e neng e le leloko la ntlha la phathi e o. Ka nako ya bogogi jwa ga Bathoen, diphathi tsa kganetso di ne di iphitlhela di thibeletswe fela mo go tsa merafe mme di sa kgone go itsetsepela kgatlhanong le BDP. Bathoen o ne a ikgogela morago kwa palamenteng ka ngwaga wa 1984,a sutela tlhopho ya ga Koma jaaka moeteledipele wa kganetso. O ne a tlhomiwa tautona wa kgotlatshekelo ngwaga o o latelang, maemo a o o nnile mo go one go fitlhelela a tlhokafala. O ne a tswelela ka go tshwayadiphoso puso le boeteledi jwa ga Koma kwa BNF, a rotloetsa go simolodisiwa ga Botswana Freedom Party (BFP) ka ngwaga wa 1980, le ntswa a ne a seka a nna moeteledipele wa yone. O ne a tlhokafala ka ngwaga wa 1992, Phalane a le malatsi a mararo a le dingwaga di le masome a ferabobedi le bobedi.